Olketa waes toktok blong King Solomon long Israel, hu hemi san blong King Deved, hem nao i stap insaet long disfala buk.
Olketa toktok ya save mekem yumi kamap waes, mekem yumi falom olketa gudfala tingting,
an fo minim gudfala olketa toktok wea hemi garem barava dip mining.
Olketa toktok ya save tisim yumi fo falom waes tingting, fo duim wanem hemi stret,
an jaj long stretfala wei, an fo tritim evri pipol long sem wei.
Toktok ya save openem tingting blong pipol hu i no garem save,
an save mekem yangfala pipol kamap waes an garem gud tingting.