Popular Bible Verses from Neemia 1

‘Ua ‘ou fa‘alogo i ia ‘upu, ‘ona ‘ou nofo ai lea i lalo, ma ‘ou tagi, ma fa‘anoanoa i nisi aso, ma anapogi, ma tatalo i luma o le Atua o le lagi

ma ‘ou fa‘apea atu, “Le ALI‘I e, le Atua o le lagi, ‘ou te ‘ai‘oi atu ‘iā te oe, o le Atua silisili ma le mata‘utia, o lē tausia le feagaiga ma le alofa ‘iā te i latou o ē alofa atu ‘iā te ia, ma tausi i ana poloa‘iga; ‘ia e fa‘afofoga mai, ma ‘ia silasila mai ou fofoga, ‘ina ‘ia e fa‘afofoga i le tatalo a lau ‘au‘auna, ‘ou te tatalo atu ai nei i ou luma i le ao ma le po mo le fānauga a Isaraelu o au ‘au‘auna, ma ta‘u atu i agasala a le fānauga a Isaraelu, ‘ua matou agasala ai ‘iā te oe; ‘ua agasala fo‘i a‘u ‘atoa ma le ‘āiga o lo‘u tamā.

‘ia e fa‘afofoga mai, ma ‘ia silasila mai ou fofoga, ‘ina ‘ia e fa‘afofoga i le tatalo a lau ‘au‘auna, ‘ou te tatalo atu ai nei i ou luma i le ao ma le po mo le fānauga a Isaraelu o au ‘au‘auna, ma ta‘u atu i agasala a le fānauga a Isaraelu, ‘ua matou agasala ai ‘iā te oe; ‘ua agasala fo‘i a‘u ‘atoa ma le ‘āiga o lo‘u tamā.

‘Ua matou agaleaga lava ‘iā te oe, ma ‘ua matou lē tausi poloa‘iga, ma tulafono, ma fa‘amasinoga, na e poloa‘i mai ai ‘iā Mose lau ‘au‘auna. ‘Ou te ‘ai‘oi atu ‘iā te oe, ‘ia e manatua le afioga na e poloa‘i mai ai ‘iā Mose lau ‘au‘auna, ‘ua fa‘apea mai, ‘A ‘outou agasala, ‘ou te fa‘ata‘ape‘apeina ‘outou i nu‘u. ‘Ae ‘āfai tou te liliu mai ‘iā te a‘u, ma tausi a‘u poloa‘iga, ma ‘outou faia, e ui lava ‘ina tulia ‘outou i le tulu‘iga o le lagi, ‘ou te fa‘apotopoto mai ai ‘iā te i latou, ma ‘aumaia i latou i le mea ‘ua filifilia e a‘u e tu‘u ai lo‘u igoa.’