‘Ua matou agaleaga lava ‘iā te oe, ma ‘ua matou lē tausi poloa‘iga, ma tulafono, ma fa‘amasinoga, na e poloa‘i mai ai ‘iā Mose lau ‘au‘auna. ‘Ou te ‘ai‘oi atu ‘iā te oe, ‘ia e manatua le afioga na e poloa‘i mai ai ‘iā Mose lau ‘au‘auna, ‘ua fa‘apea mai, ‘A ‘outou agasala, ‘ou te fa‘ata‘ape‘apeina ‘outou i nu‘u. ‘Ae ‘āfai tou te liliu mai ‘iā te a‘u, ma tausi a‘u poloa‘iga, ma ‘outou faia, e ui lava ‘ina tulia ‘outou i le tulu‘iga o le lagi, ‘ou te fa‘apotopoto mai ai ‘iā te i latou, ma ‘aumaia i latou i le mea ‘ua filifilia e a‘u e tu‘u ai lo‘u igoa.’