Popular Bible Verses from Teuteronome 1

O le ALI‘I lo ‘outou Atua o lē na te muamua ‘iā te ‘outou, e tau o ia mo ‘outou, e tusa ma mea uma na na faia mo ‘outou i Aikupito i o ‘outou luma; ma le vao fo‘i, na e iloa ai ‘ona tausia oe e le ALI‘I lou Atua, e pei o le tagata ‘ona tausia o lona atali‘i, i le ala uma na ‘outou sāvavali ai, ‘ua o‘o ‘ina ‘outou o‘o mai lava i lenei mea.

‘Ia atili fa‘ato‘ateleina ‘outou e le ALI‘I le Atua o ‘outou tamā, ‘ia fa‘ato‘aafeina lo ‘outou faitau, ma ‘ia manuia ‘outou ‘iā te ia, e pei ‘ona fetalai mai o ia ‘iā te ‘outou.

“Na fetalai mai le ALI‘I lo tatou Atua ‘iā te i tatou i Horepa, ‘ua fa‘apea mai, ‘Ua leva lo ‘outou nonofo i lenei mauga.

Fa‘auta, ‘ua ‘ou tu‘uina atu le nu‘u o ‘outou luma, ō atu ia ‘outou inā fai mo ‘outou le nu‘u na tautō ai le ALI‘I i o ‘outou tamā o Aperaamo, ma Isaako, ma Iakopo na te foa‘iina atu ‘iā te i latou, ma a latou fānau pe a mavae atu i latou.”

‘Aua tou te fa‘ailogaina se tasi i le fa‘amasinoga: e pei ‘ona ‘outou fa‘alogologo i le tagata nu‘u ia fa‘apea fo‘i i le ali‘i; ‘aua lava tou te fefefe i tagata, auā o le fa‘amasinoga o i lo ‘outou Atua lea; a o le mea e faigatā ‘iā te ‘outou, ‘ia ‘aumai lea ‘iā te a‘u, ‘ou te fa‘alogologo i ai.”