Nache 'eetai' da sanaqtacot da qana'achecỹaxac Ñim Lo'onatac 'Enauacna maye Qarta'a, qataq da ñeqouagaxaunaqtac qalaq seỹaxanaqtacot Ñimaye da qami' itaua'n. Cha'aye saỹatenaqta da 'enauac nam qauo'oche namayepi ỹachaxan da huo'o da qarpi'iỹaxaqui Ñim Lo'onatac 'Enauacna, qataq da qarauotaxanaqtaiqui Ñimaye. Ivira'a da huo'o da qanque'eenaxaqui qalaq saishet da qami' qaỹayego't, nachaqrata da qauacheeta'a da So Qarataxala' Jesucristo qami' nca'alaxatre'c.