Popular Bible Verses from Jo Ibru 13

Pe wubed jo ma maro lim; jami ma wutye kwede myero oromwu, pien Lubaŋa yam oloko ni, “Pe abiboli, pe abibwoti ata.”

Yecu Kricito gire kite tye acel keken laworo ki tin ki nino ma pe tum.

En meno gin mumiyo cwinywa tek, kun wawaco ni, “Rwot en lakony mera, pe abibedo ki lworo; ŋo kono ma dano twero timo i koma?”

Pe myero wiwu owil ka timo gin maber, ki poko jami ma wutye kwede bene bot jo mukene; pien gitum macalo meno yomo cwiny Lubaŋa.

Doŋ wamiyu pakwa bot Lubaŋa i kare ducu macalo gitum ma gityero bot Lubaŋa, kun wawok ki bot Yecu; meno aye pwoc ma wamiyo ki dogwa ka watuco nyiŋe.

Jo ducu myero guket deyo i kom nyom, dok kitanda pa jo ma gunyomme myero giwor obed maleŋ; pien Lubaŋa biŋolo kop i kom lutim tim me abor ki jo ma balo nyomgi.

Wiwu pe owil ka jolo welo, pien jo mogo ma yam gugwoko welo onoŋo gugwoko lumalaika i pacogi kun pe giŋeyo.

Lubaŋa won kuc ma ocero Rwotwa Yecu Kricito ki i kin jo muto, ma en aye lakwat romi madit, pi remo me gicikke ma ri nakanaka, en myero omiwu gin ducu mabeco ma mitte, wek wuti wucob gin ma en mito; dok bene pi Yecu Kricito myero en oti kwedwa gin ma yomo cwinye. Deyo obed bot Yecu Kricito nakanaka. Amen.