Popular Bible Verses from Aoǁnâ-aob 1

ǃNāsa gā-aisibats ra ūhâ khamib ge ǃnāsa ǃoaba ra hâ; tsî ǂans ra ǀarosens kōseb ge tsûb ona ra ǀarosen.

ǀNai ge ī hâ i xūn ge ǁkhawa nî ī. ǁKhātin ge ǀnai ge dīhe hâ ina ǁkhawa nîra dīhe; ǀgui xū-i tsîn ge ǃhūbaib ai ǀasa tama hâ.

Hoaraga xūn ge a ǀhupu, khoe-i xare-i a ǃhoaǂui ǁoas kōse. Mûdi âda ge mûǂâu tide tsî ǂgaedi âda ǁnâuǂâu tide.

Harebeoǃnâ i ge a, harebeoǃnâ a tib ge Aoǁnâ-aoba ra mî, hoa xūn ge a harebeoǃnâ. Tarebe harebesa i khoe-e ūba hâ ǁî-i di ǀhupuǀhupusens ǃnâ, ǃhūbaib ai?

Hoaraga sîsengu ǁîn ge ǃhūbaib ai dīga ta ge ge mû; ǁîn ge harebeoǃnâ tsî ǂoaba saurus khami ī.

ǁAeǃgâdi ge hā tsî ra ǃkharu, xaweb ge ǃhūbaiba ǀamos kōse ra hâhâ.

ǀNai ge hâ i xūn di ǂâiǂâisen-i ge a ǀkhai, ǁkhāti ǁnān ǃgoaxaǁaeb din tsî ǁîna nî saon di-i on ge a ǀkhai.

Tita ge ge mîǀgui gā-aisib, ǃkhausib tsî gâsiba ta nî ǂansa, xawe ta ge ge ǂan ǁîs ǂoaba saurus khami īsa.