Ina quëran aꞌna ninanoquë paantapi. Inaquë aꞌna quëmapi yaꞌhuërin, chana caniori maninsoꞌ. Noshinën noyá pëꞌyatërin. Quisoso nantën pirayan isonahuaton, itapon:
—Nohuantohuatan Sinioro, nanitëran anoyatancosoꞌ. Anoyatoco topirahuëꞌ, itërin.
Quisosori sëꞌhuarahuaton, itapon:
—Nohuantërahuë mini. Apiramiáchin anoyataranquën, itërin.
Itohuachina, aꞌnaroáchin canio inquirin.