Jaskaken tsuabuda: “En juni pepawen taexun Diosun ea katuniki”, iwanan, shinanyamakubainkanwen. Unanepabu jawauma wakin dakewanun, iwanan, Diosun ja matu tatima waibu matu katumiski. Kushipabu jawauma wakin dakewanun, iwanan, tsuabuda babubu jabu jakidi pechitan yuankin: “Mitanumabuki”, jatuki imisbu Diosun matu katukubaindiaikiki. Tsuabuda yudabun matu danankin pe shinainsbumadan, Diosun matu katukubainmiski. Dasibibu binunun, iwanan, tsuabuda yudabu jaki pechitan shinainsbumadan, Diosun matu katudiamiski. Jaskaken nukunmebi nun pepaumabiaken Diosun matu katuniwen taea nukun pepakidi Dios yui tsua jamebi jawa kentidubumaki.