Häte iwohiyet'ak kahanayej lewhäy che lepese, nämla ifwalas tä lhäy'e lhip tä atha. Tsi ihichela wichi tä lhamel t'at tä lhaihumnhen, wet nilhak'alej chinaj t'äj tä ihut lhamejen. Lhamel fwetajla häpehen iyhäj tä len'ohyajay ihi wet lhaichäjlawethä, wet iläklawethä iyhäj, wet tach'ahuhiyet'ala lhokwey, wet tek iwohla laka graciasa'pe m'ak at che häpe, wet yenla w'et m'ayeka Dios lhämet. Lehumnhayaj ihihit'ala wet hap'altsentsesit'ala, häpkhihena sitäwos, tumhit'alahlä lenech'ethayajay tä ni'isachehen, wet fwitsesla, wet tatayhlahlä m'ak tä is. Häpkhihena kantses, tektshanlawethä, lhaiwujyenhihena, iwohla yiya m'ak tä lhamel t'at tä t'akänyajay wet tek ihumnhila Dios. Lhain'älthila tä fwetaj häpehen iyhäj tä iwo t'ekhahyaja, mat häp lechumtes tä iwoye hin'älthila tä wetayej t'ekhahyaj tä matche.
Häp wichi tä mälhyejentso oyok, Yej alet'aje.