Popular Bible Verses from 1~Tes 5

Share

Is chik lajit lepesa tä a'akäswethä. Yej leyayej tä lewopej alhyaja, wet m'ak at chik häpe chik iche, w'enho gracias Dios. Tsi häp tähestso m'ak tä Dios ihuminche chik lewoye tä ahäpehen wichi tä ichaye Cristo Jesús.

Is chik Dios tä n'otamsek tälhe, imälhetwek tä ayen t'amajchetesa, wet t'amajej ahusey, lhäy'e asanis, lhäy'e atichunhayajay, yämthilek newache ates chik häpe chik näm Lhawuk Jesucristo. Häp lham tä t'än amehen häpe elh tä yäm matche lhämet, wet iwohiyela t'at tähestso.

Isit'a chik aelh chik häpe iwo hayahlä elh tä iwoyeje m'ak tä ni'isa. Mat woyaypej yiya m'ak tä is tä lewoyej amehen, lhäy'e nilhokej iyhäj.

Wet häp tä oyok, Akhajyenhen wet ch'ot amehen, mälhyej tä lewoye athana.

Häte ipuhfwas, nityeneje lechumet aiyhäj tä n'etäjwethä. Khajyenhen lhamel tä nem lhay'amkatwethä, ch'otehen lhamel tä laj lakhajyhayaja, wet teläytej elh at chik häpe.

Tsi Dios tek tatshupi n'amehen yämthilek iti n'amejen lewäk, mat t'uhläk y'asakanej lhafwayhyaj häp tä isej Lhawuk Jesucristo.

Tsi nilhokej amel ahäpehen isi leles wet äp fwala leles. N'ahäpkhihent'a honatsi lheley wok iyhäj tä ihumin honataj.