Popular Bible Verses from Juan 8

Share

Entonces cay ojron e Jesús otronyajr tut e gente y che: —Nen jax e janch'aquenar y tamar era jax nen xe' injanch'acnes tunor tin e turob' tara tor e rum. Tin e uturb'a ub'a tamaren axin uch'ami e janch'aquenar xe' tua' uyajc'u e cuxtar xe' machi tua' ac'apa, y machi ixto tua' axana tama e incsib'aner, che e Jesús.

Y nox tua' ixc'otoy inata lo que erach, y lo que erach era c'ani ub'aniox inyajrer, che e Jesús.

Pues entonces e Jesús cay ojron taca cora nuquir winicob' xe' tuob' e Israel xe' cay c'upseyanob' tamar y che: —Jay nox iturb'a ib'a tamar lo que war incansiox era, c'ani ixto ixquetpa niwajcanuarox.

Pues nen xe' Uyunenen e winic erer imb'aniox tua' machi ixto ixquetpa cachar b'an cocha inte' man xe' mamb'ir inyajrer. Y jay b'an inche, nox c'ani ixquetpa b'amb'ir inyajrer.

Pero e winicob' era machi uyactob' tua' uyub'iob' tua' e Jesús. Entonces jaxir ujachi ujor y che: —Tin e unata que matuc'a umab'amb'anir u'ric e ixic era taca e tun b'ajxan, che e Jesús.

Y che e Jesús: —C'ani inwareox era que tunor tin e axin uche e mab'amb'anir, war aquetpa cachar yeb'ar uc'otorer e mab'amb'anir era.

Entonces e Jesús ujachi ut otronyajr y uyub'i tua' e ixic y che: —¿Tia' ixiob' tunor e winicob' era? ¿Ma ca majchi xe' quetpa xe' war ub'ijnu que net uc'ani tua' ichamesna? che e Jesús. Y e ixic che: —Niwinquiret, mamajchi, che e ixic. Y che e Jesús: —Nien nen ub'an. Quiqui y actan tua' ache e mab'amb'anir, che e Jesús.