Popular Bible Verses from El Apocalipsis 22

Napaꞌ eꞌñe paꞌmothrotheñ eñallen, atthen ñerraꞌmrratheꞌ kellek A ñeñth paꞌmother pen alfabeto. Allempotheñña napaꞌ xhokma eñallen esempowañenchaꞌ wañerr ñeñth allpon eñall, napaꞌ atthen ñerraꞌmrratheꞌ kellek Z ñeñth all poen alfabeto.

Ñamha Cristo ñapaꞌ ateth oten: —Theꞌpaꞌ señochepaꞌch napaꞌ awenchaꞌ nowerra. Newapaterrnaschaꞌ ñeñth noꞌpatatensa alloch netsaꞌtwerrsa eꞌñe poesheñaꞌttsos sa errothentheꞌ sethorraꞌyeseꞌth. Tharraña oꞌkaꞌye newapaterr ñamha alloch netsaꞌtatwera ñeñth ama pokteyeꞌ es petso.

Allowen ñeñth poeyochreshaꞌ pen Parets ñetpaꞌ atmaꞌntatarethtenet ateth ñerraꞌmrratheꞌ Cristo poethapor penawet. Atthoña ñet Parets Poekamkëñoth oteñet Cristo: —Aphon. Ñamha allowenes ñeñthes eꞌmhñoteneꞌ oꞌch soch samha Cristo: —Aphon. Ñamha allowenet ñeñth oñpaꞌtets ñeñth ama eñmatetso poeyoxhreto ñeñth xhokma es eꞌnyenet, ñetpaꞌxhoꞌña wapoetepaꞌ. Yoretepaꞌ añ oñ, allochñapaꞌ ñetpaꞌxhoꞌña korretsetach. Ñeñth oñpaꞌ eꞌñech attha aparethtet, amach es tsaꞌtayo amaꞌt eꞌñe koñeꞌtha.

Atarr kosheñtsoꞌtsen allowen ñeñth eꞌñe pokteꞌ enten Yompor oꞌch tsomwerrñañet Yompor poenaren alloch eꞌñe korrerret poktakma. Allempopaꞌ amach alla rromoerreteꞌthe. Ñeñthpaꞌ ñeñthchaꞌña eꞌñe yomhaꞌwerret ñesho. Ñewa, ñeñth eꞌñe pokteꞌ enten Yompor ñeñthpaꞌ allowen ñeñth eꞌñe eꞌshowarethterra poꞌchñar eꞌñe pameꞌñeñothet Cristo. Ñatoꞌ oꞌch netmaꞌntacha ateth: Ñetpaꞌ oꞌ eꞌñe tsamaꞌtwerret paꞌshtamoet atthoch eꞌñe pokteꞌ entanet Yompor oꞌch beꞌthoset yetarro eshekchaꞌ xhapoet Yompor paꞌnetsro.

Ñamha Cristo ñapaꞌ ateth oten: —Señochepaꞌch napaꞌ awenchaꞌ nowerra. Atarr kosheñtsoꞌtsen allowen ñeñth yemtenaya ora allpon añ ñoñets ñeñth akellkareth all Yompor poꞌlibro ñeñthchaꞌ ateth perra esempo. Arrpaꞌ allowa wañ ñeñth ateth eñotaten mellañotheñ.

Allñapaꞌ amach eñalleterro chekmeteꞌ. Ñeñtheychaꞌ yexherrtsa allpaꞌ amach yemnerro ñeñthchaꞌ yexhoyoꞌtamphseꞌ. Attho theꞌpaꞌ xhokma yemnen lampareñ alloch yexhoyoꞌtampena. Allempopaꞌ amach yemnerro ñamha oꞌch xhoyoꞌtampeney atsneꞌ, tharroꞌmar Yompor ñeñth Yepartseshar yepen, ñapaꞌ ñaña paꞌtsnomoeña ñeñthchaꞌ yexhoyoꞌtamperreꞌ all. Ñamha yapaꞌ yaꞌmhchaꞌtarethtapreterach allempotheñ errponowañen.

Ñeñthara Jesús ñeñth yeñotatyeneꞌ ora añexhno, ñañapaꞌ alla oterrerr: —Napaꞌ poꞌñoxhchaꞌ awen nowerrerr poꞌpocheño. Yañapaꞌ alloweney yoteñ: —Aphon Yepartseshare Jesucristo. Ñeñthpaꞌ atthetepaꞌch yokop. Yepartsesharepaꞌchña Jesucristo saꞌnatenaya eꞌñe allowenes. Ñeñthpaꞌ atthetepaꞌch Nompore allowenakpay. Arrpaꞌ eꞌñe allowa poen Yompor poꞌñoñ.

Na theꞌpaꞌ oꞌch nokthapeꞌchach allowen ñeñth eꞌmhñoteneꞌ añ ñoñets all oteney ñeñthchaꞌ ateth perra esempo. Oꞌch notanet: Ñerraꞌm eseshaꞌ atontateneꞌ ñet pokthaphñet ñeñth ama attheyeꞌ otenye añ ñoñets, Yomporñapaꞌ oꞌch atontatanet ñokpoet ñeñthchaꞌ moeroxhtaterrawet ñeñth ateth oꞌ akellkaꞌwarethta añ libro. Ñamha ñerraꞌm eseshaꞌ xha aꞌchenkatenan amaꞌt pathrra ñoñets ñeñth allpon akellkaꞌwarethta añ libro, Yomporñapaꞌ amach moenataneto oꞌch es oꞌpatapreteret all akellkarethtena libro allpon ñeñthñapaꞌ korretsetach. Ñamha ñetpaꞌ amach beꞌthosapoꞌtampereto Parets paꞌnetsro ñeñth ateth oꞌ akellkaꞌwarethta añ libro.