Popular Bible Verses from Aj Romab 6

Ri tojbal ri cuya' ri macaj, are ri cämical; are c'u ri cochinic ri cuya' ri Dios, junalic c'aslemal pa ri u rikic kib ruc' ri Crist Jesus, ri Kajaw.

Jeri' man cätakan ta chi c'u ri mac piwi'. Man ix c'o ta chi c'u chuxe' ri pixab, xane' chuxe' ri tok'ob.

Ri ka bautism are' jun c'utbal chi uj mukutajinac ruc' ri Crist pa ri u cämical, rech xukuje' ri uj cujbin na pa ri c'ac' c'aslemal, jacha' ri u walijisaxic ri Crist chquixo'l ri cäminakib rumal ri u juluwem ri Tataxel.

mijach ba ri i cuerp che ri mac che u banic ri etzelal. Xane' chijacha' iwib pa u k'ab ri Dios je ta ne ix c'astajinak chic chquixo'l ri cäminakib. Chijacha' ri i cuerp pa u k'ab ri Dios rech quiban ri utz.

Keta'm c'ut chi ri ka banic nabe xripitaj ruc' ri Crist, rech ri u cuinem ri aj macalaj ojer ka c'aslemal casachtaj u wäch, ma ta c'u cakatakej chic u patanixic ri macaj.

Jeri' xukuje' ri ix, chichomaj ba' chi kastzij ix cäminak chic chuwäch ri mac, ix c'asal chi c'ut che ri Dios pa Crist Jesus.

¿Jas ta c'ut ri cäkabij na? ¿La cujcanaj ta c'u chupam ri macaj rech sibalaj caq'uiy ri u tok'ob ri Dios? ¡Mawi jubik'! Uj cäminak chi c'u chuwäch ri macaj; ¿jas ta c'u cakabano cujcuinic cujc'asi' ta chupam ri macaj?

¿La ma ta iweta'm chi, we quijach iwib che u banic lok'om tak pataninelab che u patanixic jun winak, ix pataninelab ri' quixc'oji' ri' che u nimaxic? We are quipatanij ri mac, quixcäm na. We c'u are quinimaj ri Dios, cuban na suc' chiwe.

Maltiox c'u che ri Dios, pune' ba xixc'oji' na can che lok'om tak pataninelab che ri mac, camic c'ut ruc' ronojel iwanima' cätajin quinimaj ri tijonic ri yo'm chiwe. Ix esam chi c'u pa u k'ab ri mac, are chi cätajin quipatanij ri Dios pa ri suc'alaj i c'aslemal.