Popular Bible Verses from Jos 6

Y ri Jehová xubij chire ri Josué: Tawetamaj k'a kan chi ri Jericó xinjech yan pan iq'a', y keri' chuqa' ri rey y chuqa' ri e aj-labal.

Y chirij ri' toq xtiwak'axaj chi yeyaloj xtikixupuj ri uk'a' richin karne'l, konojel ri achi'a' xkesik'in rik'in ronojel kuchuq'a', y ri tz'aq richin ri tinamit Jericó xtitzaq jumul k'a pan ulew; jari' toq ri achi'a' choj xke'ok-apo, xcha' ri Jehová chire ri Josué.

Xtisutij k'a rij ri tinamit kik'in konojel ri aj-labal, y waqi' q'ij keri' xtiben xaxe jun bey pa jun q'ij.

Y wuqu' sacerdote xtikik'uaj jujun xupubel ri banon rik'in uk'a' richin karne'l. Rije' xkebe chuwech ri káxa ri k'o ri nujikibel-tzij chupan. Y chupan k'a ri ruwuq q'ij, wuqu' mul xtisutij-rij ri tinamit, rokik ri sacerdote xtikixupuj ri xupubel.

Jak'a ri tinamit Jericó jebel tz'apen; kan jebel tz'apen richin man jun rijatzul kan ri Israel xtok-apo. Kan man jun k'a nok-apo y ni man jun k'a nel-pe.

Y toq xtz'aqet yan wuqu' mul xesutin chirij ri tinamit, jari' toq ri e sacerdote xkeyaloj richin nikixupuj ri xupubel, y chuqa' jari' toq ri Josué xubij chike ri achi'a': Kixsik'in, roma ri Jehová xujech yan pa qaq'a' re tinamit re'.

Ri tinamit y ronojel ri k'o chupan, ri Jehová kan rubanon chire chi nik'is jumul, xaxe k'a ri Rahab, ri ixoq itzel ruk'aslen, ri xtik'ase' kan kik'in konojel ri ek'o pa rachoch, roma kan xerewaj ri nachanela' ri xeqateq-pe.