Popular Bible Verses from ᐱᓕᐱᔭᓇ 2

Share

ᐁᑯᔑ ᐁᑳᐎᓚ ᑫᒀᓐ ᑲᑕ ᑐᒋᑳᑌᐤ ᑾᓗᑖᑐᐎᓂᒃ ᓀᔥᑕ ᐸᑾᓐᑕᐤ ᒫᒪᑖᑯᒧᐎᓂᒃ; ᒫᑲ ᑕᐸᑌᓕᒥᑎᓱᐎ ᒥᑐᓀᓕᒋᑲᓂᒃ ᐁᑯᔑ ᒥᓯᐌ ᑲᑕ ᑭᔅᑌᓕᒣᐗᒃ ᑯᑕᑭᔭ ᐊᐙᓯᑌ ᐃᔥᐱᔥ ᐁ ᑭᔅᑌᓕᒥᑎᓱᒋᒃ᙮ ᐁᑳᐎᓚ ᑎᐱᓚᐌ ᐅᑦ ᐋᔮᓐ ᑲᑕ ᑲᓇᐙᐸᑕᒻ ᒥᓯᐌ ᑕᑐ ᐃᓕᓕᐤ, ᒫᑲ ᐊᓯᒋ ᐅᑦ ᐋᔮᓂᓕᐗ ᑯᑕᑭᔭ ᐊᐌᓕᐗ᙮

ᐁᑯᔑ ᐅᒪ ᒥᑐᓀᓕᒋᑲᓐ ᑭ ᑳ ᐎ ᐱᒋᔅᑳᑯᓇᐗᐤ, ᑳ ᑮ ᐱᒋᔅᑳᑯᑦ ᓀᔥᑕ ᙭ ᒋᓴᔅ

ᐊᓇ, ᐁ ᓇᔅᐱᑕᐙᑦ ᑭᒋᒪᓂᑐᐗ, ᓇᒪᐎᓚ ᒪᔅᑲᑗᐎᓐ ᑮ ᐅᒋ ᐃᑌᓕᑕᒻ ᑭᒋ ᐃᑌᓕᑖᑯᓯᑦ ᑖᐱᔅᑯᒡ ᑭᒋᒪᓂᑐᐗ; ᒫᑲ ᑭ ᑐᑖᓱ ᑭᒋ ᐋᐱᔅᑌᓕᑖᑯᓯᑦ, ᓀᔥᑕ ᑭ ᐅᑎᓇᒫᓱ ᐊᑑᔅᑫᓛᑲᓇ ᐅᑦ ᐃᔑᓈᑯᓯᐎᓂᓕᐤ, ᓀᔥᑕ ᑮ ᐃᔑᐋᑲᓂᐎᐤ ᑖᐱᔅᑯᒡ ᐁ ᐃᔑᓈᑯᓯᓕᒋ ᐃᓕᓕᐗ: ᓀᔥᑕ ᒫᑲ, ᑖᐱᔅᑯᒡ ᐃᓕᓕᐤ ᐁ ᑮ ᐃᔑ ᒥᔅᑲᐙᑲᓂᐎᑦ, ᑮ ᑕᐸᑌᓕᑖᑯᐃᑎᓱ, ᓀᔥᑕ ᑭ ᓇᓇᐃᑕᒻ ᐱᓕᔥ ᓂᐱᐎᓂᓕᐤ, ᐙᐙᒡ ᓂᐱᐎᓂᓕᐤ ᐋᔑᑌᐋᑎᑯᒃ᙮

ᐌᓴ ᑭᒋᒪᓂᑐ ᐁᐗᒀᓇ ᑳ ᑐᑖᑖᒃ ᑭᒋ ᐃᑌᓕᑕᒣᒃ ᓀᔥᑕ ᑭᒋ ᑐᑕᒣᒃ ᐁ ᐃᔑ ᒥᓜᓕᑕᒃ

ᐁᐗᑯ ᐌᒋ ᓈᔅᐱᒡ ᑳ ᑭᔅᑌᓕᑖᑯᐃᑯᑦ ᑭᒋᒪᓂᑐᐗ, ᑭ ᒥᓕᑯ ᒫᑲ ᐃᔑᓂᑳᓱᐎᓂᓕᐤ ᐊᐙᓯᑌ ᑳ ᑭᔅᑌᓕᑖᑾᓂᓕᒃ ᐃᔥᐱᔥ ᒥᓯᐌ ᐃᔑᓂᑳᓱᐎᓇ: ᒥᓯᐌ ᒥᒋᑾᓇ ᑭᒋ ᐱᑭᓂᑳᑌᑭ ᐁ ᐃᑣᓂᐗᓂᓕᒃ ᒋᓴᔅ ᐅᑦ ᐃᔑᓂᑳᓱᐎᓐ, ᑳ ᐃᑖᒋᒃ ᑭᒋᑭᔑᑯᒃ, ᓀᔥᑕ ᑳ ᐃᑖᒋᒃ ᐊᔅᑮᒃ, ᓀᔥᑕ ᑳ ᐃᑖᒋᒃ ᐊᑖᒥᒃ ᐊᔅᑮᒃ᙮ ᓀᔥᑕ ᒥᓯᐌ ᑕᑐ ᒥᑌᓕᓕ ᑭᒋ ᐎᑕᒧᒪᑲᒃ ᐁ ᑎᐯᓕᒋᑫᑦ ᒋᓴᔅ ᙭, ᑫ ᐅᒋ ᑭᔅᑌᓕᒫᑲᓂᐎᑦ ᑭᒋᒪᓂᑐ ᐌᐅᑖᐎᒪᐎᑦ᙮

ᒥᓯᐌ ᑫᒀᓇ ᑐᑕᒧᒃ ᐁᑳ ᐁ ᐊᓗᑗᐌᒧᔦᒃ ᐁᑳ ᓀᔥᑕ ᐁ ᒀᓗᑐᑖᑐᔦᒃ: ᑭᒋ ᒥᓨᑎᓯᔦᒃ ᓀᔥᑕ ᑳᔮᒣᐎᓯᔦᒃ, ᐁ ᐅᑯᓯᓯᒥᑖᒃ ᑭᒋᒪᓂᑐ, ᐁᑳ ᐁ ᒪᒉᓕᒥᑲᐎᔦᒃ, ᒣᑴᔭᔥ ᑳ ᐙᑭᑳᑎᓯᒋᒃ ᓀᔥᑕ ᑳ ᔑᐱᑕᑭᒃ ᐁ ᐃᑕᔅᑳᓀᓯᒋᒃ ᐃᓕᓕᐗᒃ, ᐃᑕ ᐁ ᐃᑖᒋᒃ ᐁ ᐙᓯᓱᔭᒃ ᑖᐱᔅᑯᒡ ᐅᐙᓭᔮᓯᐗᒃ ᐊᔅᑮᒃ

ᐁᐗᑯ ᐅᒋ, ᓯᐋᑭᐃᑕᑾᒃ, ᑖᐱᔅᑯᒡ ᒧᔕᒃ ᑳ ᑮ ᓇᓇᐃᑕᒣᒃ, ᓇᒪᐎᓚ ᐱᑯ ᐁ ᑲᓇᐙᐸᒥᑕᑾᒃ, ᒫᑲ ᐊᓄᒡ ᓈᔅᐱᒡ ᐊᐙᓯᑌ ᐁ ᐃᑖᐱᒋᔮᓐ, ᑎᐱᑐᑕᒪᒃ ᑎᐱᓚᐌ ᑭ ᐱᒫᒋᐃᑯᓯᐎᓂᐗᐤ ᓭᑭᓯᐎᓂᒃ ᓀᔥᑕ ᓇᓂᑭᐸᓕᐎᓂᒃ