Popular Bible Verses from Uraat To Yes Mbaŋooŋa 1

Ve alooŋ. Sawa to Avuvu Patabuaŋ izi inim ve izala poghomim, yam pale agham tapirimim tiina ila toni. Leso ayoon ariaŋa pa votiaaŋ varug ve apariaaŋ saveeŋ tiou. Pale agham uraat tonene izi Yerusalem muuŋ. Le isob, ghoro alaagh irau taan isob to Yudea, ve ala pa Samaria, ve alaagh irau taan dige to naol.”

Yesu ipamuul aliŋadi ighaze: “Sawa to mbeb tovene, yam irau awatagi maau. Nene ineep to Tamaŋ moghon. Ye tauto ighur sawa pa mbeb tisob tivot.

Sawa eez, Yesu toman mbaŋooŋa toni tinepneep, ve Yesu isaav padi ighaze: “Apul Yerusalem rikia malep. Aneep ve asaŋan pa mbeb to Tamaŋ ighaze igham payam itaghon saveeŋ mbuaaŋ toni. Mbeb tonowen, you nasavia payam ve alooŋ saveeŋa wa. ‘Yoan, ye irughuuz tamtoghon pa ya. Eemoghon yam, mala maau pale Maaron igham Avuvu Patabuaŋ payam.’ ”

O Teopilus, uraat naol to Yesu igham di muuŋ, toman saveeŋ isob to ye ipatoot tamtoghon pani, tauto ineep ila rau to nambooda ilat tiom muuŋ. Saveeŋ toman uraat toni tonowen inim inim le Maaron ighami imuul iza ila pa sambam. Yesu imaat ve imundig muul, ve mboŋi tamoot ru to itaghoni, ye ila ivotvot to yes mbaŋooŋa toni to ye tau isia di tinim le, ve ipatooŋ tau padi ila ataam naol. Leso tiwatag kat tighaze ye imundig pa mateeŋ, ve ineep mata iyaryaar. Sawa tonenen, ila uraat to Avuvu Patabuaŋ, ye ipaghazoŋan ŋgar todi pa tutuuŋ toni pida. Ve isavsaav padi pa pooz to Maaron.

Yesu isavsaav padi le isob, ghoro Maaron indaea ila matadi, ve imuul iza ila pa sambam, le yaghur tae ipoona ve tighita muul maau.

Matadi itaghoni ve izala, ve mala maau, ndiran ru tivot todi ve yesŋa tiyondyood. Nonogiiŋa todi pisosooŋa moghon. Yesuru tisaav padi tighaze: “Yam ndiran to Galilaia, pughu vena to ayondyood ve matamim izazala pa sambam? Alooŋ. Yesu tonowen, aazne Maaron ighami ipul gham, ve imuul iza ila pa sambam. Eemoghon muri, ye pale imuul izi inim raraate inimale aazne yam aghita iza ila.”