Popular Bible Verses from Matayo 27

Share

Hofɨ na saha mwenda, Yesʉ mwahambala kʉtsɨbʉ athɨ: «Eli, Eli, lama sabakitani?» n'ɨnegena mbʉ: «Gongo waye, Gongo waye, bʉshana na ki wamanyishiga?»

Mo kathambi ako, epasɨya yabyaga mo Nyʉmba ya Gongo moyabereka ɨthoka elʉgʉlʉ ihika ko kɨthaka. Akalingiti mokatsʉka, sonyɨkʉka mosabereka. Amasɨnda mwayɨkɨngʉla n'emɨbɨrɨ ya babuyirire bangɨ bo babyaga baholire moyalubuka.

Hewethuwe Yesʉ mwashʉba hambala ʉndɨ mʉlenge mʉnene na mwatsa omʉthɨma.

Omʉkʉlʉ w'abashirikani, n'abashirikani bobagenda abatheya Yesʉ hagʉma naye, mobashʉnga akalingiti n'ebyoshi byatsʉkaga, aho mobafwa bʉba bʉngɨ n'ɨnegena bathɨ: «Kwenene omʉndʉ oyu athalɨ Mʉgala wa Gongo!»

Ɨthoka mo kathi ka mwɨshɨ, omwitsimya mwabya ko kɨhʉgo kyoshi ihika kʉ saha mwenda.

Pilato mwashʉba bʉtsyabo athɨ: «Nyɨyɨre nyɨthɨ na Yesʉ oyu yo ʉnahʉlwamo Kirisito?» Aboshi mobashubya bathɨ: «Abambwe kʉ mʉsalaba!» Pilato mwabʉtsya athɨ: «Kɨbɨ kɨhe kyo akolire?» Hewethuwe mobahambala n'amagala wabo woshi bathɨ: «Abambwe kʉ mʉsalaba!»