Popular Bible Verses from Matiɔ 28

Share

E nä na ye mâ ndə azü tshepashɔ nɔ̂, ə mä əndje tə atrawaya nə̂ əmə, ə zä batamo kə əndje də əɨrɨ Abä, də ənə̂ Ɨrɨ nə də ənə̂ Âgbɔ̂ Yîrə̂, ə yïsə̂ ərə kə əndje ndə kə pa əndje bata aərə nɔ̂ ə̂në mə zâ ama kə e də nə gâ ye kɔ. Bale, e wüsə̂ nə ə pa mə sə də e alɔnɔ̂, ʉrrr ndjɔ gâ tə̂ ama tshepashɔ.»

Jezu nâ trö ə pâ kə əndje ə pa: «Əndje zâ awlra nɔ̂ kə əmə gâ ye mâ lafɔ ndje pâ ashɔ.

Bale, trawaya nə zâ əpʉ ə pâ kə ayashe nə ə pa: «E-e, awa mä e mä ne, mbrə ə̂në mə wusə̂ nə ə pa e sə kə pra Jezu ə̂në əndje kû ətshə gâ ala masheyɔ gâ ye kɔ. Tshə sə sə kotəye ne, tshə shê gâ ye mata ə̂në tshə pâ ndə nə gâ ye kɔ. E nä gâ əmə ə wü ətshe ə̂në əndje zâ ətshə shô gâ tʉ gâ tə̂ nə kɔ.

Bale, Jezu pâ kə əndje ə pa: «Awa mä e mä ne, e gü ə pä ndə nə kə alaye əmə ə pa əndje na mâ Galile, mâ je də̂ əndje sə kə wu əmə.»

Aâgbɔ̂ aawotokrɔ nə ngbô tə̂ əndje gâ tə̂ nə də aâgbɔ̂ azü nə. Mandânə ə̂në əndje djî tə̂ əndje gâ ye kɔ, əndje kô əgerə ngendja kə atrugu nə ə pâ kə əndje ə pa: «E pä: “Atrawaya nə̂ ye nâ də tsheləbu ə zɨ̂ angba əko ye gâ ye alɔ ə̂në ä lô na ye gâ ye kɔ.” Kədə komandâ Pilatə nə kə dji əpʉ nə, ä sə kə pa əpʉ kə ətshə ndə kə pa lɔsu ye zɨtɨ kanika e jo əpʉ jo ne.» Atrugu nə kô ngendja nə â mâ tə̂ əndje Lïndə̂ əpʉ nə ə̂në əndje pâ kə əndje kɔ. Âdârə ə̂në əpʉ səkɔ zâ ətshe lə takpa tə̂ Ajuwufu ʉrrr ndjɔ kpəsəye kɔ kə sə̂.