Popular Bible Verses from Matiɔ 12

Share

Mə pa kə e, tə̂ alɔ kə wa ngbanga nə̂ Ndjapä, azü sə kə kirə də əpʉ gâ pâ aamba aəpʉ nɔ̂ ə̂në əndje pa kɔ. Mbrə ə̂në tə̂ äwä aəpʉ ama zə də əndje sə kə dɨ əbə tə ə̂rɔ̂ əzü, wala əndje sə kə wa ngbanga gâ lə kumu zə.»

E-e, angwa alɔngɔ! E sə kə pa ə̂rɔ̂ əpʉ lə ama e atâ, ə̂në e sə tə aəmbrʉ azü kɔ? Mbrə ə̂në əpʉ ə̂në ə sə tə̂ lɔsu əzü kɔ kə wutu lə ama ye gashu.

Ə̂rɔ̂ əzü wutu də aə̂rɔ̂ aərə lə agrɔ nə̂ ye ə̂në ə sə tə̂ lɔsu ye kɔ. Əmbrʉ əzü wutu də aəmbrʉ aərə lə əmbrʉ agrɔ nə̂ ye ə̂në ə sə tə̂ lɔsu ye kɔ.

Âdârə ə̂në mə pa kə e ə pa: azü ə̂në əndje ma nyaka də azü ə̂në əndje gu Ndjapä kɔ, Ndjapä sə kə gba tshelə nyaka lə kumu əndje. Bale, azü ə̂në əndje gu Âgbɔ̂ Yîrə̂, Ndjapä sə sə kə gba tshelə nyaka nə lə kumu əndje ne.

«Kədə ə̈bə̈ ayɔ sə tə ə̂rɔ̂ nə, leyɔ nə sə ndje tə ə̂rɔ̂ nə. Kədə ə̈bə̈ ayɔ sə tə əmbrʉ nə, leyɔ nə sə ndje tə əmbrʉ nə. Mbrə ə̂në əndje wusə̂ ayɔ mbrə leyɔ nə.