Popular Bible Verses from ᔪᐊᓇᓯᐅᑉ ᐊᒡᓚᖏᑦ 14

“ᐃᓱᒪᔮᕐᓇᖏᑦᑐᒥᒃ ᕿᒤᕕᒋᕙᑦᓯ; ᐅᕙᖓ ᓇᖕᒥᓂᖅ ᐃᓱᒪᔮᖏᓐᓂᕆᔭᓐᓂᒃ ᑐᓂᓯᕕᒋᕙᑦᓯ; ᑐᓂᓯᓐᖏᓚᖓ ᓯᓚᕐᔪᐊᕐᖕᒥᐅᑦ ᑐᓂᓯᑦᔪᓯᖏᑎᑐᑦ. ᐆᒻᒪᑎᒃᑯᑦ ᕿᒃᓵᖕᓂᐊᕋᓯ, ᓯᕘᕋᓂᐊᕋᓯᓗ.

ᔩᓱᓯᐅᑉ ᐅᖃᐅᑎᕚ, “ᐊᖅᑯᑕᐅᕗᖓ, ᓱᓕᔫᓪᓗᖓ, ᐃᓅᓯᐅᕗᖓ; ᑭᓇᒥᒡᓘᓐᓃᑦ ᐊᑖᑕᒧᐊᖅᑐᖃᕈᓐᓇᓐᖏᓚᖅ, ᐅᕙᒃᑰᕐᓗᓂ ᑭᓯᐊᓂ.

“ᐆᒻᒪᑎᒃᑯᑦ ᕿᒃᓵᖕᓂᐊᕋᓯ; ᒎᑎ ᐅᒃᐱᕆᓯᐅᒃ, ᐅᕙᖓᓗ ᐅᒃᐱᕆᓗᖓ.

ᐃᑲᔪᖅᑎᒃᓴᕐᓕ, ᐊᓂᕐᖕᓂᖅ ᐃᑦᔪᕐᖕᓁᑦᑐᖅ, ᐊᑖᑕᐅᑉ ᑎᓕᓛᖅᑕᖓᑕ ᐊᑎᓐᓂ, ᑖᑦᓱᒪ ᐊᔪᕆᖅᑐᕈᒫᖅᐹᓯ ᓱᓇᓕᒫᓂᒃ, ᐃᖅᑬᑎᓪᓗᓯᓗ ᐅᖃᐅᓯᕆᓚᐅᖅᑕᓕᒫᓐᓂᒃ ᐃᓕᑦᓯᓐᓄᑦ.

“ᐱᖁᔭᓐᓂᒃ ᐱᓯᒪᔪᖅ ᒪᓕᒡᓗᒋᓪᓗ, ᑖᓐᓇᐅᕗᖅ ᐅᕙᓐᓂᒃ ᓇᒡᓕᒍᓱᒃᑐᖅ; ᐊᑖᑕᒪᓗ ᓇᒡᓕᒋᓂᐊᖅᐹ ᐅᕙᓐᓂᒃ ᓇᒡᓕᒍᓱᒃᑐᖅ, ᐅᕙᖓᑦᑕᐅᖅ ᓇᒡᓕᒋᓂᐊᖅᐸᕋ ᐅᕙᓐᓂᒡᓗ ᖃᐅᔨᔭᐅᑎᓪᓗᖓ ᑖᑦᓱᒧᖓ.”

ᐊᑖᑕᓗ ᑐᒃᓯᐊᕐᕕᒋᓂᐊᖅᐸᕋ, ᐃᑲᔪᖅᑎᒋᑲᓐᓂᕐᓂᐊᖅᑕᑦᓯᓐᓂᒃ ᑐᓂᓯᖁᓪᓗᒍ ᐃᓕᑦᓯᓐᓄᑦ, ᐃᓕᑦᓯᓐᓃᑦᓮᓐᓇᕐᖕᓂᐊᖅᑐᒥᒃ ᐃᓱᖃᖏᑦᑐᒧᑦ, ᑖᓐᓇᐅᕗᖅ ᐊᓂᕐᖕᓂᖅ ᓱᓕᔪᒥᑦ ᐱᔪᖅ, ᓯᓚᕐᔪᐊᕐᖕᒥᐅᑦ ᐱᔪᓐᓇᓐᖏᑕᖓᑦ, ᑕᑯᔪᓐᓇᖏᓐᓇᒥᑦᔪᒃ ᖃᐅᔨᒪᖏᓐᓇᒥᑦᔪᒡᓗ; ᐃᓕᑦᓯᓕ ᖃᐅᔨᒪᕙᓯ, ᐃᓕᑦᓯᓐᓃᒻᒪᑦ, ᐃᓗᓯᓐᓃᓐᓂᐊᕐᖕᒪᓪᓗ.

ᓱᓇᒥᒡᓘᓐᓃᑦ ᑐᒃᓯᐊᕐᖕᓂᐊᕈᑦᓯ ᐊᑎᓐᓂ, ᐱᓇᓱᐊᕐᖕᓂᐊᖅᐳᖓ, ᐊᑖᑕ ᓂᖅᑐᕐᖕᓇᖅᑎᑕᐅᖁᓪᓗᒍ ᐃᕐᖕᓂᕐᖕᒥᒍᑦ; ᑐᒃᓯᐊᕈᑦᓯ ᓱᓇᑐᐃᓐᓇᕐᖕᒥᒃ ᐊᑎᓐᓂ, ᐱᓇᓱᐊᕐᖕᓂᐊᖅᐳᖓ.”

“ᓇᒡᓕᒋᒍᑦᓯᓐᖓ, ᐱᖁᔭᒃᑲ ᒪᓕᖕᓂᐊᖅᐸᓯ.

ᐊᑖᑕᒪ ᐃᒡᓗᖓᓂ ᐃᓂᒃᓴᖃᖅᐳᖅ ᐊᒥᓱᓂᒃ; ᐂᓂᐊᖅᐳᖓ ᐃᓂᒃᓴᓕᐅᕆᐊᖅᑐᕐᓗᓯ, ᑍᒤᖏᑉᐸ ᑕᒪᑐᒥᖓ ᐅᖃᐅᑎᒐᔭᓐᖏᓚᑦᓯ.

ᐂᓂᐊᕈᒪᓕ ᐃᓂᒃᓴᓕᐅᕆᐊᖅᑐᕐᓗᓯ, ᐅᑎᕈᒫᕆᕗᖓ ᐂᓗᓯ ᐅᕙᓐᓃᖁᓪᓗᓯ, ᓇᔪᒐᓐᓂ.

ᑑᒪᓯᐅᑉ ᐅᖃᐅᑎᕚ, “ᐊᑕᓃᖅ ᖃᐅᔨᒪᓐᖏᓚᒍᑦ ᓇᒧᑦ ᐂᓂᐊᕐᖕᒪᖔᖅᐱᑦ; ᖃᓄᕐᓕ ᐊᖅᑯᒻᒥᒃ ᖃᐅᔨᒪᔪᓐᓇᖅᐱᑖ?”