Popular Bible Verses from Makətūbə̄ kə́ ta kəga dɔ ń Piyer ndang ní 5

Yá̰a̰ gə̄ malang ń rāān̄sí adə̄ ī-ndiī kə sōlōó kekəre ní, ɔ̄rī dɔsí gíŕdə́ tə́ ba ī-ɓōkíīdə́ dɔn tə́, tɔdɔ̄ i ni n i nge ka̰a̰ gōsí ní.

Ba loo ń ré á̰a̰ī tápə̄ sḛ́ý oy anī, Nə́ɓā ń yá̰a̰ malang kə́ rāā kə kem majaá a ḭḭ i rɔ̄n tə́ ní, ni ń ɓāŕsí kadə̄ sḭḭ̄ i tū *kɔsə gɔn yān kə́ a to ngándáńg tə́, kə gō ɓoo naā yāsí kə *Kərist ní, nəkɔ́ a rāā kadə̄ ā ī-majiī ɔ̄tī kə taá ō, ni a mbūsə̄ gíŕsí kadə̄ ī-raī ngan̄g ō, a adə̄sí tɔ́gə ō, yá̰á̰ kógə̄ḿ a yéȳsí yek aĺ ō.

Əhɔī rɔ̄sí dɔ yá̰á̰ tə́ ba ī-lōōī rāā yá̰a̰ kadə̄ mān̄ dɔ majən ō, á̰a̰ī já̰já̰ dɔ rɔ̄sí tə́ ō! Tɔdɔ̄ madə̄ ba̰ā̰sí ń i *diabəl ní, a ənī gir̄ gində̄ gidə loo tə́ tītə̄ ɓɔl kə́ a nōō beé, a sāań de kə́ yā kadə̄ n-əhɔ n-rə́yā̰n naā tə́ ba n-əsan. Ī-raī ngan̄g dɔ taā kem yāsí tə́ ō, ī-dumī tan ō. Tɔdɔ̄ ī-gerī kadə̄ ngákó̰ó̰sí kə́ dɔ nang tə́ gə̄ ndin̄ i kum tápə̄ kə́ kógə̄ḿ beē nəkɔ́ ń toō tə́ ō.

I beé ní, ī-téliī kə rɔ̄sí kə̄ nang tə́ gíŕ jī Nə́ɓā kə́ tɔ́gə jīn i ngá̰ý tə́, yā kadə̄ ré ndɔ̄ ń ni-ɔjə ní ugə̄ anī, ni-ɔsəńsí kə̄ dɔɔ́.

Ba sḭḭ̄ balsáa gə̄, majə kadə̄ ōōī ta *kum kɔɔ̄ gə̄. Banī sḭḭ̄ malang ə́laī tél kə rɔ̄ɔ́ kə̄ nang tə́ kūbə̄ tə́ rɔ̄sí tə́ ī-ndiīneé kə naá.Tɔdɔ̄ makətūbə̄ yā Nə́ɓā əda na: Nə́ɓā a mbātə́ najə̄ gō ngé kɔsə rɔ̄də́ kə̄ dɔɔ́ gə̄ tə́, ba a rāā kem majə kə ngé gə̄ ń télən̄ kə rɔ̄də́ kə̄ nang tə́ ní.