Banī Nə́ɓā ń ɔy de kə́ ngan̄g gə̄ aw̄ sedə́ kɔ̄ɔ́ dɔ gúú tə́ ní,
ḭḭ ra dɔɔ́ anī, deē yājí ngeé ń toō əndā kemən dɔ ndin kə kumneé tə́ to̰ alé.
Ɓá tā ba Nə́ɓā əya̰n adə̄ ra ngan̄g ō,
ndi loo yān jəke kanjə̄ sōl̄ yá̰á̰ kógə̄ḿ ō,
banī ni-əndā kumən gíŕ hál de kə́ rang gə̄ tə́.
Ɔsən̄də́ kə̄ dɔɔ́ i kum mbang kə́ sḛ́ý beē tə́, ba gō tə́ anī gətóon̄ kɔ̄ɔ́.
Nin̄ tə́sō tétə̄n̄ tītə̄ de gə̄ malang ń əjan̄də́ tītə̄ loo kəja kōō beé ní ō,
a əjan̄də́ i tītə̄ loo kəja dɔ kōō beé ō.