Popular Bible Verses from Яхъя 1

Share

Аны кабул итеп, Аңа ышанучыларга исә Ул Аллаһы балалары булу хокукын бирде.

Иң элек Сүз булган, Сүз Аллаһы белән булган, һәм Сүз Үзе Аллаһы булган.

Яктылык караңгыда балкыганга, караңгылык аны томалый алмаган.

Сүз Кеше булды һәм, мәрхәмәт белән хакыйкатькә сугарылып, безнең арада яши башлады. Без Аның данын – Атаның бердәнбер Углына биргән данын күрдек.

Бар нәрсә Сүз аша яратылган, һәм яратылган бер нәрсә дә Аңардан башка яратылмаган. Сүз – тормыш чыганагы булган, һәм шул тормыш кешеләргә яктылык биргән.

Икенче көнне, каршына килүче Гайсәне күреп, Яхъя: – Менә дөньяның гөнаһын Үз өстенә алачак Аллаһы Бәрәне.

Ул дөньяда бар иде, ләкин дөнья, Аның ярдәмендә яратылган булса да, Аны танымады. Ул үзенекеләр янына килде, әмма алар Аны кабул итмәде.

Дөньяга килүче һәр кешене яктыртучы бу Яктылык – чын Яктылык иде.

Канун Муса аша бирелгән иде, ә мәрхәмәт белән хакыйкать Гайсә Мәсих аша килде.