Popular Bible Verses from Luk 5

Share

K'ini enye ekpebde otu owom mkpọ ama, enye ọdọhọ Saimọn ete, «Wad ubom fo duk enim, nyaŋ sin iyide fo man ọmum iyak.»

Ede Saimọn ọbọọrọ Yisọs ete, «Ette-ufọk, nnyin inam ọkpọsọŋ utom efri itroyo iken ede nnyin imumke iyak ntekeen, ede sia ọdọhọde ntoro mme nyayak iyide mi nsin.» K'ini Saimọn ma mman utom ise ayakde iyide mmọ esin nte Yisọs ekedọhọde mmọ, mmọ ọmum iyak enye awak tutu iyide mmọ otooŋo awaai.

Ede Yisọs ese awak ikaa nnauded nketie ọkpọọŋ mbọŋ akam nnọ Abasi.

Ke ukem ikoro, nkedihe ikood mme nti owom yak mmọ akabade ekid, ede nkedi ikood mme anam idiọk mkpọ yak mmọ akabade ekid.

K'ini Saimọn emi ekerede sọ Bite okudde mkpọ nken, enye ọduọ Yisọs ke edọŋ ete, «Mbọk daha-kpọŋ min Ọbọọŋ, ke nde idiọk owom.»

Yisọs ọbọọrọ mme Farisi ido ete, «Mman nchọŋidem iyemke abia-usọbọ, ede mman ọdọŋọde ọkpọọŋ eyem abia-usọbọ.»

K'ini mme ọkọ iyak awadde ubom mmọ edisim mben mmuŋ, mmọ ọkpọŋ ukọ iyak ekene Yisọs ekekabare ede mbed nse.

Ede usen keen, nte Yisọs odude ke obio keen ke ikpehe ukara Kadidii, owom ọdọŋọde akpamfia ekedudo. K'ini enye okudde Yisọs, enye ọduọ ọfuk iso k'isọŋ ke ido ukpono, anyaŋ ekpei Yisọs ete, «Ette-ufọk, ke enyiimede, emekeme inam min nsana.» Ke ntoro, Yisọs anyan ubọk ise ọtuuk eme ete, «Mmeyiime, sana!» Idaha-Idaha ikoro udọŋọ akpamfia ekueŋe eme.

Ede etop ke Yisọs ekeme ikọk udọŋọ akakaiso asuana, ke ntak nkoro otu owom ediboho okop ukpeb mkpọ nse, anyaŋ ọbọ ukọk ke mme udọŋọ mmọ.