Popular Bible Verses from Yohanē 11

Share

marengay i Yēsu: <<maw ku na marevaaw, mawna uwavaawan. na pakutatena' kaninku na trau mu, ara minatray lra mu, kuwaazu kavaaw; na vaaw zi pakutatena' kaninku na trau mu 'azi kiyanatray munayun. pakutatena' u kanini peniya ziyamaw?>>

marengay i Yēsu kantaw: <<'azi ku marengay kannu lra, nu pakutatena' u mu nana'u u kanantu lihu na Viruwa i itras ziyamaw?>>

matrangis lra i Yēsu.

a kinger i Yēsu kanini na lremak mu marengay: <<tu kuwalengan ni Lazaru mu 'azi kiyanatray, maw na puwalihu kana Viruwa i itras, pawnung mawna kemani zi kipulihu tu Alrak na Viruwa i itras.>>

a piya marengay kanini na ngay, kematamuni zema'ung i intaw: <<Lazaru, upana!>> zi izu na minatray lra na trau mu mupana, tu lima zi na kuy niliputr za inuwan, i mudingan kemazu niliputr za himpu. i Yēsu patalru kanazu marengay: <<vakevaki i intaw, puveruku i intaw!>> mianger mulrek pinatray kani Yēsu

i Yēsu salaw mavangavang i anger. i intaw zuwa kana trevelran i ngawayan; izu na trevelran maw a saya vuwang, kana uwasavakan ulra inetrav za saya varasa'.

i Yēsu a marengay lra kananni na ngay mu, masalr ziya marengay: <<niyam 'ali'an i Lazaru turin alrup'e lra, auwa ku venalruka kantaw.>>