Popular Bible Verses from Yohanē 1

Share

mawmu, na kituluz ziya kantaw mu, mawna pakutatena' kantaw na trau, zi veray kanazu za kezang mutu lralrak kana Viruwa i itras i intaw.

a mudaway pakangawayan na rukup, kazu lra na vati. na vati mukasa kana Viruwa i itras; na vati maw na Viruwa i itras.

na senan pasenan kana 'aremengan, na 'aremengan 'azi ziyan kiseker kana senan.

mutu trau na vati, kaazu kanta i savakan, matemuy za ipuwavut zi za tatena' vati. mena'u ta lra kanantu lihu, ini na lihu penauwa maw tu Alrak na misasa ni Ama na mipauwayan melak.

na Viruwa i itras pakalrang kantaw parevuwa' demaway kana eman ziyan; kana dinaway peniya i savakan, iniyan a sasaya za amelri ipakalrang kantaw demaway. na vati mawna rami za uwavaawan, ini na uwavaawan veray za senan kana trau.

kazuwa wari, i Yohanē mena'u kani Yēsu tremepa kantaw zuwa, zi marengay: <<na'uwi a, tu siri na Viruwa i itras, na puwaelak kanantu pinamelriyan za trau i punapunan!

kazu i punapunan na vati, na Viruwa i itras pakalrang kantaw parevuwa' demaway kani punapunan, zi i punapunan na trau 'azi malrazam kantaw. zuwa kanantu kinazuwan i intaw, mawmu tu trau 'azi muwai kituluz kantaw.

izu na senan mawna tatena' na senan, zuwa pasenana i punapunan kana tratrautrau ziyan.

na Viruwa i itras pakalrang kani Mosē pupana za kuret, mawmu na ipuwavut zi na tatena' vati maw pakalrang kani Yēsu Kiristo zi zuwa.