Popular Bible Verses from Ubwandilo 25

Share

Po u MWENE akamubuzya akati, “Mulwanda lwako muli inko izya bantu babili. Ukwiza pakupapa inko zibili izya bantu babo bakwiza pakubengana. Weka akwiza pakuba wamaka nkani ukumuchila uyunji, sona ukatote akwiza pakumubombelagha umunandi.”

Akamubuzya umuzuna wache u Yakobo akati, “Wee muzuna, izala yikumbaba, umpeko amalima amachesamu.” Ichi cho chifukwa bakamwita ukuti we Edomu.

Pachifukwa ichakuti u Labeka umuchi uwa Yisaki akaba mughumba, u Yisaki akamwiputila kwa MWENE. U MWENE akivwa inyiputo zyache, po u Labeka akamela ulwanda.

U Esabu akamwamula akati, “Chiza bulo! Indi papipi pakufwa. Nkimba ningakabapo choni pakuba ne katote?” Po u Yakobo akati, “Lapa tasi ukuti wangulizikizya naloli ubwakatote bwako.” U Esabu akalapa nukumughulizizya u Yakobo ubwakatote bwache.

Pisinda pache umuzuna wache akapapiwa, bo inyobe yache yilemite ichitende icha Esabu, po bakamwita ukuti we Yakobo. Abana bala bakapapiwa, bo u Yisaki ali na maka 60.

U Yisaki akamughana nkani u Esabu pachifukwa ichakuti akalyanga inyama zizyo akabingagha, loli u Labeka akamughana nkani u Yakobo.