Popular Bible Verses from MATHE 28

Houg: su" nghoid yoomo Nanu" thu' lo" wigi khyi khang" moo" mo byumyu" bain sho' mo ri nga" cangzoo: bue" loo nhang: ge'. Nyangnu" ri nya: phoo nya: zoo: gyeungshang: Venyi: da" myeing khyang" mo baptisma ri kham: byid: lho: Nanu" ri ngoo tid to" da" amyeing" mungdang: dangain"- nyangnu" yo" cang pyeing wa da" shid re" nyangnu" ri jhoug" byid: ge".- ngoo gi he: da" mougmyid pyaid thang sho' nanu" yo" dage" khanham we danyid nyid wa" ga: tid kaid. 1).

ASEING Yesu gi cangzoo: yi jang" moo tain re" lho: mougkhung: tho' yo' myidjang: dang moo jo, da" amyeing" a: na: dangain" gi ngoori byid: too" bye.

Hau: moug: lagyoo: gi myiyi: eig yug ri «agyug goo"- pyang" zeing moo baid jen said pyam bye da" Yesu ri re" eig yug sho: nyid zi ngoo se. Nyang: gi hid: moo: anyid loo:- nyang: tid ziyo' dakhyoo ti" dei to' loo bye. Re" yu" ge' nyang: ri kaid to" joyoo ri yu" yu" ge'.

Yesu gi Agyug goo" ga: nya: eig yug ri tid lo" lho: nga" mang: nhung" yi ri Galile mung" khyoo: ri" wa shid re" tid ge, kyoo" ge' nyangnu" gi hau: mung" moo ngoori shau" myang goo" wa ga: tid.

Khainjung agyi yi yo"- Yuda vhu" jhung: yi gi zheung: foem: sham go" lho: gyizoo: yi ri ngei myoo" sho' byid: wa shid re" khyoo: sho: nyid boem. Hau: thang: gyizoo: yi ri hid: su" tid ge'. Myen" ngoonu" yhoeb' jo nung ri nya: cangzoo: yi gi nya: mang ri re" khau" yu pyam' bye: ein: tid ge" ga: tid boem. Gyeing" gyeing" nyang: he: da: ludang: ri zoug: phoo shau" gyoo lang gi nanu" da" tho' moo moo" amyi" wa shed re" nanu" ce: yooboo aboo ein: nyang: nyang: se' gyoo: ri ngoonu" so' tid byid: wa he: khyoo: yo' sen: lho: nanu" ci: aci' ca". Zung" bang: gi ngei ri yu ci: lho: nyangnu" tid kaid ziyo' dakhyoo ti" lo" koid boem. Nyang: nu" tid da" lu dang: gi akhinyid" ju" sho' Yuda byumyu" yi moo fu" jo, bye.