Popular Bible Verses from Maciu 2

Share

Ia ni ra sa curu ki na vale, era sa raica na gone lailai kei Meri na tinana, a ra sa cuva sobu, ka soro vua: ia ni ra sa dolava na nodra kato kamunaga, era sa vakacabora vua e so nai solisoli; a koula, kei na drega me vakamai, kei na mura.

IA ni sa sucu ko Jisu mai Pecileema e Jutia e na gauna sa tui kina ko Eroti, raica, e so na tamata vuku mai cake era sa lako mai ki Jerusalemi, a ra sa kaya, Evei ko koya sa sucu me nodra tui na kai Jutia? ni keitou a raica na nona kalokalo mai cake, a keitou sa lako mai me soro vua.

Ia ni ra sa raica na kalokalo, era sa reki e na reki levu sara.

Ia ni sa vakasala vei ira e na tadra ko na Kalou me ra kakua ni lako tale vei Eroti, era sa lesu tale ki na nodra vanua e na sala tani. Ia ni ra sa lako tani, raica, sa rairai mai vei Josefa e na tadra e dua na agilose ni Turaga, ka kaya, Tu cake, mo kauta na gone lailai kei tinana, ka dro ki Ijipita, ka tiko kina ka malua meʼu tukuna mada vei iko; ni na vakasaqara na gone lailai ko Eroti me vakamatea.