Popular Bible Verses from Svun Lucas 6

Share

Ac'beic c'usi chtun yu'un lachi'ilique yo' ti xayac'beic o c'usi chtun avu'unic ti Riox uque. Ti c'usitic chayac'beique naca lequic, tsinbil lec, noj li sp'isole. Ti c'u x'elan chapasbe la chi'ilique ja' no'ox yech chaspasbeic ti Riox uque.»

Ti much'u lec yo'one lec li c'usitic chale, yu'un naca lec ti c'usitic oy ta yo'one, ti much'u chopole naca chopol li c'usi chale yu'un naca chopol li c'usitic oy ta yo'one. Yu'un ti c'usitic oy ta yo'one ja' yech chloc' ta ye.

Li vo'oxuque c'ano me la crontaique, lecuc me li c'usitic chapasique, mu me xamalabeic spacol mi oy c'usi chavaq'uic ta ch'ome. Ti mi yech chapasique chavich' ep amotonic xchi'uc ja' chvinaj o ti ja' xch'amaloxuc ti Riox ta vinajele, ja' ti much'u ch-c'uxubin ti much'utic mu sna' yalelic colavale xchi'uc ti much'utic chopol stalelique.

Ja' lec c'uxubinvananic chac c'u cha'al chc'uxubinvan li a totic tey ta vinajele.

»Mu me xa q'uelbe smul achi'ilic yo' ti mu xayalbeic o ti Rioxe ti oy amulic uque. Mu me xac'anic ti chich' castico lachi'ilique yo' ti mu xa yac'beic o castico ti Rioxe. Ac'vananic ta pertonal yo' xa yaq'uic o ta pertonal ti Riox uque.

»Vo'oxuc ti li' chava'iic li c'usitic chcale, ja' yech chacalbeic chac li'i: C'uxubino la crontaique, lec c'usitic xapasbeic ti much'utic sc'ac'aloxuc yo'one, Mi chopol ti c'usitic chayalbeique, mu me c'usi chopol xavalbeic uc, C'oponbeic Riox ti much'utic scotol c'usi chayalbeique.

Ti c'u x'elan chac'an chaspasbeic li crixchanoetique, ja' no'ox yech xa pasbeic uc.

Ti mi oy much'u chasmajbe jot xocon asate, albo ti xu' smaj xcha'jotole, ti mi oy much'u chaspojbe apimilc'u'e, ac'bo noxtoc li jlom ta yute. Ti mi oy much'u chasc'anbe li c'usuc avu'une, ac'bo, ti mi oy much'u chaspojbe li c'usi avu'une, mu me xac'anbe sutel.

»Muc'bu xquiltic jtec'uc te' ti bu leque, ti ja' chopol li sate, mi ja'uc jtec'uc te' ti bu chopole, ti ja' lec li sate.

Juju tos li te'e, ta sat ta xcojtiquintic: Mu xu' ta jtatic ic'ux ta jtec' ch'ix, mi ja'uc jtatic sat uva ta te'el macom.