Popular Bible Verses from Mark 5

Share

Yesu n'aano: —Waay, káyilen kúuwe kíkinineŋa n'á̱koyi. A̱ja káasuumaay; a̱roŋut kabaju kásomut kondu.

Ake anaare ámoomi toko, emito yendu sumoŋu nu súsuba aŋ'ahalan dómbokun. Álaamalaam yooŋ dómbokun t'esontena i. Ebaj yeene fe ayoosanayoosan yo tu busontenooro bu, bare ákoyiit; n'asooñ ahaŋee.

Halan hu ni hihaŋ hiraan káteyina ku te o. N'ajuk t'enio kaanuku kásomut koone kúkoyia.

N'ajoko t'emoŋu abe n'aano: —Talita kumi! (aamo fu: «Básuŋgut, a̱rito, íñje isoki fee!»)

T'átibanoorut yooŋ, bakaake ni kahaŋ káreeŋin, kánuutin t'enuuf ite Sayirus, ániine eeemo u ni sifaaf site báalawum bu. Ni kaane ániine u: —Ásuŋgute úuwe aketa. Atum'aŋk'a̱ja kálaaman Ámuse u. Yesu n'ajam, bare n'awiinen bo. N'aane Sayirus: —Atum'á̱koleyi, á̱yilen kep.

Yesu n'aŋ'aane toko: —Erab ye, a̱nuut t'ániine ondu! Ániine u n'ataŋk t'etiir aane: —Yesu, Añi ite Atambatun eeemo u t'etiir-t'etiir, kame baŋka wane? Íiwasiyani tu huruwu hite Atambatun, atum'á̱hihinooram! Yesu n'ákandijeno aano: —Huruwu húuwe buŋ? N'ásafino aano: —Huruwu húuma «Hahooja», ábuki irihoojahooj.