Popular Bible Verses from မထ 1

Share

နာင် မာရီ ဒီ မိုဝ်း ဂွန် အီမာယ်။ မဲ ယီ လုဝ် တဲး အန် စိူဝ် အာယေဆူ။ မဲ လုဝ် တဲး အန် စိူဝ် ပါယ် တီ။ ခုဝ်၊ အန် ဒီ ဘ့လွာ့ ဝဲန် မှာပ် ဂေ ဒူအီ အာမျုဝ် အန်၊ တဲး အန် ချွတ် ဂေ။”

“န့ ဒီ မိုဝ်း ဒီဘျာ၊ အန် ဒီ တူ အး။ အန် ဒီ ဘော မိုဝ်း ဂွန် အီမာယ်။ ဂေ ဒီ ဝီ တဲး အန် စိူဝ် ‘အာအီမာနူအေန်။’ လွင် ဒါင် အန် တီ မုး ‘ဇဝ်ဖြာ ကွယ် ရိုမ် ဒူပ် အေ။’”

အန် ဟဲ့ ဟွတ့် ဇေန့်ဇာ လွင် အန် တီ၊ န့ ဝီ မုး အာမူ အာမာတ် ဇဝ်ဖြာ ဝီ တး ကာပ့လုး ဒီ အန် ဒေါ အိတ် မ့ဘာဝ် အန်။ အာမူ အာမာတ် ဇဝ်ဖြာ တွိုန် ဝီ တဝ်း၊ “အိုယ်၊ မဲ အာယုဝ်ဆဲပ် အီ မုး လှုက်လှာန် အာဒါဝိတ်၊ ကွဲ့ တဲး မဲ ယုဝ် ဒီ ဒဲ့ နာင် မာရီ ဒူပ် မဲ၊ ဘဲန် အီဘိုန့် မဲ။ ခုဝ်၊ ဂွန် အီ ကွယ် ခဲင် ဝတ့် အန် မုး ဂွန် ပီ ဒွါ နဝ်း ဖွိုမ် ဇဝ်ဖြာ ဒီ အန်။

လွင် ဇဝ် ယေဆူ ဟဲ့ ဘဲန် ဒူအီ၊ န့ ပါယ် နီ။ န့ မုး မာ အန် အီ စိူဝ် နာင် မာရီ။ အန် ဟဲ့ ဟွတ့် လာယ် ဘဲန် အူ ပါဝ် ဒီ အာယုဝ်ဆဲပ်။ အာတ့် ဘူင် ဂေ ခတ် ဒေါ ဆီ မုး အန် ဒီဘျာ၊ အန် ယီ ဝီ နပ်၊ အန် တူ အး။ န့ ယီ မုး နဝ်း ဖွိုမ် ဇဝ်ဖြာ အီ တဲး အန် တူ အး။ ပန် တီ န့ မုး အာယုဝ်ဆဲပ် တွိုန်၊ အန် မိုဝ်း နဝ်း ဆီ ဘူင် နာ မှာန် ဆေဆေ။ အန် မိူဝ် တူ ဆီ ဘူင် တဲး နာင် မာရီ မွှိုမ် ဆာယ် ဒီ အာတ့် အီ။ ခုဝ်၊ အန် ဝီ ခြာမ် ဒီ ဝဲန်၊ ကွဲ့ တဲး အီ နပ် လွင် အန် တီ။