Popular Bible Verses from Matè̌ 7

Share

“Kwi mò̌ lô̌khô, sî nǐ̤bǎ pě! Kè̌lǎ mò̌ lô̌khô, sî kè̌shǐ pě. Tôglô̌mò̌ lô̌khô takha, Cǒmara gǔ bǔmô bǎ sî pě.

Ma̤titè̌hî̌dě kòyò lǒ̤꤮ bò dǒ a kwita̤ tokhlǒnu, a nǐ̤bǎ pě, dě kòyò lǒ̤꤮ bò dǒ a kè̌lǎ ta̤ tokhlǒnu, a kè̌shǐ pě, dě kòyò lǒ̤꤮ bò dǒ a tôglô̌ takha tokhlǒnu, Cǒmara bǔmô bǎ lû̌û pě.

“Pô̤̌nudě kòyò tôpwa̤pwa̤ dǒ a ganǎ̤de helě̤heyô̤̌ dě a ganǎ̤de gû̌ma̤ pô̤̌ he hî̌ numî̌, a sô̌sô̌kû̌ kòyò sî̌jò̌ tôpwa̤ bô̌htò̌ ahǐ dǒ lǒ̤khû̌ nuhǒ.

Ma̤bǎ kòyò sô̌sô̌kû̌ sî sǎyṳ noma̤ kòyò kû̌ sînǎ̤ nu nî̌꤮. Ma̤titè̌hî̌dě lǒ̤꤮ bò Khûmṳ̂shě a ta̤sû̌ta̤tòwò kû̌ piwi̤pèshè tokhlǒ a ta̤mǎlò̤ tokhlǒnu, a sǎyṳ hî̌ yô̤̌mûyô̤̌sǎ numî̌ hǒo hǒ.”

Bǎbǎkǎlè we̤takha î̌nî̌ tûkû kû̌ klè̌ î̌nî̌ tôbônu a sûcû̌ kòyò dǒ ta̤htûpwa̤ tûjû̌pwa̤nu kòyò kè̌shǐ pî̌tî̌ lû̌û.

“Cû̌nṳ̌ lô̌khô dǒ takha î̌nî̌ nutûkû, ma̤titè̌hî̌dě we̤takhalè̤̌ tûkûnu kû̌ klè̌lè̤̌ tôbônu a sûcû̌ kòyò dǒ ta̤si tûjû̌pwa̤ agûlǎ̤ dě kòyò cû̌nṳ̌ dû̌wî̤ yǎ.

Sî mî̌ kòyò dǒ a phû̌mò̤̌ tokhlǒ pwǎ bǎbǎkǎlè sî sî̌ganǎ̤ dǐǎ sîphû̌sîli̤ tokhlǒ kû̌ ta̤dǒ awô̌ tokhlǒ kè̌hî̌dě, gènè̤kè̌mò̌ lô̌khô sîpha dǒ mǒkhû̌ tôpwa̤nu, a gǔ ǐ mè̤̌mî̌ca ta̤wô̌ tokhlǒ kû̌ kòyò dǒ a kwihtò̌ lû̌û nutokhlǒ pě.

“Hî̌bǎphô̌phô̌ kòyò, gènè̤sǔ gènè̤plě tǎ̤ kòyò tǎ̤mǎ̤ nî̌꤮. Cǒmara gǔ ma̤ shěshu gesô̌ sî ta̤alǐ̤ pô̤̌nu pě. Ma̤titèhî̌dě Cǒmara gǔ ma̤ geshěshu na pô̤̌ na hî̌bǎphô̌phô̌ kòyò, na gènè̤sǔ gènè̤phô̌phô̌ kò nupě. Na ma̤ kòyò, na hî̌ kòyò pwǐ tènu, Cǒmara gǔ ma̤ getîkhî shěshutè̌ na pwǐ꤮ nupě.

Bǎbǎkǎlè kòyò tôpwa̤pwa̤ dǒ a ganǎ̤de helě̤heyô̤̌ dě a kè̌ ganǎ̤de gû̌ma̤ pô̤̌ he hî̌nu tô̤̌ numî̌, asô̌sô̌kû̌ kòyò gènè̤phlôphǎ gû̌ kòyò tô̤̌ tôpwa̤ bô̌htò̌ ahǐ dǒ hǎsè̌khû̌ nuhǒ.

“Ta̤wè̤̌ amǔaphî ô̌pwǎ dǒ sî pṳ̌wè̤̌ pwa̤yṳ̌ǎta̤phû̌ tôpwa̤ a mǐ̤sǎphlǒkû pwǎ dě sî kè̌shǐ, bǎbǎkǎlè sǒglǒ tôglǒ ô̌ dǒ sî mǐ̤sǎphlǒkû dě, sî kè̌shǐ gû̌ kò tô̤̌ ma̤titè? Bǎ sǒglǒ ô̌ dǒ sî mǐ̤sǎphlǒkû akhanu, sî cû̌hî̌tǒ̤ sî pṳ̌wè̤ kû̌, ‘pṳ̌wè̤̌ he tèkhwè̌ htò̌kèmò̌ bǎ na ta̤wè̤̌ amǔaphî ô̌ dǒ na mi̤sǎphlǒkûnu,’ mî̌, a nǐ̤jò ya?

“Sè̌rè̌ lô̌khô sînǎ̤ kû̌ pwa̤jî̌lòhô anǎ̤ pô̤̌ piwi̤pèshè nutokhlǒ nî̌꤮. A jî̌hè lòhô anǎ̤ pô̤̌ sû̌phû̌ dǒ a sǎphlǒ sǎdôhôbî̌nu bǎbǎkǎlè asî sǎphlǒkû numî̌ a phû̌mò̤̌ sô̌sô̌kû̌ shǐmi̤nu. Dǒ asî ma̤ ta̤phû̌mò̤̌ akhû̌akhî, sî sî̌ganǎ̤ jò kû̌ asî mî̌ pwa̤jî̌ lòhôhè anǎ̤ tokhlǒ pwǎ. Kòyò dǒ a cû̌ kè̌lǎ běǎ sîpî̌sǎ dǒ ta̤shî̌shô̌mṳ̌ lô̤, tô̤̌mî̌ a cû̌kè̌lǎ běǎ dǐshisǎ dǒ ta̤shî̌shô̌mṳ̌ lô̤ numî̌ a ô̌ cǎ ya?

Pô̤̌nudě, sǒ dǒ awî̤nu, a gǔ sǎhtò̌ dǒ awô̌. Bǎbǎkǎlè sǒmṳ̌ dǒ awô̌tô̤̌nu, a gǔ sǎhtò̌pwǎ sǒsǎ dǒ awî̤tô̤̌ pwǎ.

Sǒmṳ̌ dǒ awô̌nu, asǎhtò̌ jò sǒsǎ dǒ a phû̌mò̤̌ tô̤̌. Htodě sǒmṳ̌ dǒ a phû̌mò̤̌nu, a sǎhtò̌ jò sǒsǎ dǒ awî̤nu tô̤̌.

Lǒ̤bò sǒmṳ̌ dǒ a sǎhtò̌ awô̌tô̤̌ tokhlǒnu, kòyò gǔ pè̤̌tṳ̌kè lû̌û pě dě kòyò gǔ wînṳ̌ bòkè yǎ dǒ mî̌kû pě.