Ya xbohonix te banti ya xbahtic spisil mach'atic ayic ta bahlumilal. Ac'a fuersa, pasa winiquil. Ch'uhuna te mandariletic yu'un Jehová te Dios awu'un, behenan ta behetic yu'un, pasa te chahpambil mandariletic soc te mandariletic, te bintic yaloj ta mandar soc te testigo c'op yu'un, hich te bin ut'il ts'ihbabil ta mandariletic yu'un Moisés, scuenta yu'un lec ya xc'oht spisil bintic yac apas soc ta bayuc ya xbahat. Soc scuenta yu'un hich me ya yac' c'ohtuc ta pasel a te Jehová te bin la yalbon, te hich la yal: Teme ya scanantaybon te be cu'un te anich'nab, teme smelelil ya xbehenic ta jtojol ta spisil yo'tanic soc ta spisil sch'uhlelic, mayuc bin ora te mayuc ats'umbal te ya xhuhcaj ta huctajibal yu'un Israel, xchi.