Popular Bible Verses from DAO: ZHAM" 1

Pha,jhi" laba lajhao bo nae" qhid' mae" Mao"So re shi" gyaug phug' ca" ra". Nhag' magyang: mo, wa pha,jhi" dao: re pe" shui manho mung: manug: mho" zhao: yu ngad: ako". Nga" zo: we"- ni" myhi" we' ni" pho" ta" ra" dao: re gyo: wa,

Aja: ja: maqhug' qu" mo, wa pha,jhi" re to" pye' gemung: shid qhug' li" genae". Nhag' magyang: mo, wa yao: bam yao" myo, jao mabo: ra" nhag' lam" yang byo; qeim: lo" li" genae". Ngadqere: nga" mho dao: gyo: yaug wa gug: gam qhug' li" nae"- yao: wa gyaug ci" maqo lo:- gug: gam za: qo" na: li" nae".

Pha,jhi" bo mo, re lhao" re: je: ba sho' qo" mho" shid' li" nae". Pha,jhi" ba mo, rere: khyo qo" shid' li" nae".

Nga" zo: we"- qobo jab qeyang ju" phyo' re dabo: cao: ye:

Davi yao: zo: Israel Kho:kham Sholamon: nho: dao: zham" jham- Cejham wa no; ra" lajheim: khyo" ta" to" ra" pha,jhi" dao: we' aung khug: laba lajhao khyo re ba: gyo: nae" qhid' mae" tung" to" ra" dao: zham" jham ngad:. Ce: dao: zham" jham wa nao re din: din: man: man: nhag' bo taung" ba: na: ye: nae" qhid' mae" qo" mho" shid' byid: nae" ru ngad:. Byuna myao" va" mo, we' qao" va" nhag' bo qere je: nhag' gyang" sho'- apyad ngai shi" mo, re ja: nam jab ba: ci sho' mho" byid: nae" ngad: ra".

naonhaung" khyo" pha,jhi" re khai: li" genae". Ngadqere: ngo matau: nae". Khyi" khao: ngo" ngore qho: li" genae"- ngadqere: ngore maqhug' genae". Naonhaung" wa khonhae" re: pha,jhi" laba lajhao re mayhung:- Mao"So: mho dao: manug: gyo: ko" ngad: ra".