Popular Bible Verses from MHO" PEIM: 8

Nao re jo,nho" qo" nae" qam: so' byid' ra" yaug wa naonhaung" Mao"So ASANG ngad: rure myid: beim: wa,- yao: ceru: kad' ru wa- naonhaung" phug' pho" qe we' yao: kad' to" ra" dao: thang" yao: ana" ba joe" sho' jhaug' zaug: jo; ruyang ngad: ra".

Yao: wa naonhaung" re vae: moe; nhao: ra". Ai: thao yao: wa naonhaung" we' naonhaung" phug' pho" qe qhid' phyao: khonhae" re: mazo" qu" ko" ra" zo: ve- Manna naonhaung" re byid: zho" ra". Yao: ceru: kad' ru wa byu wa kao so' daui: na nae" qhid' mae" mug daja: re za: mangha ca" ra" khyo re we' ASANG ta" ra" ja: khao: ngo" mae kam" wa ngha ca" ra" khyo re naonhaung" re mho" shid' byid: nae" kad' ru ngad: ra".

Yao: wa naonhaung" pe" kad' nae" yaung: na: ra" khyo re we' yao" amyin" dao: jham re naonhaung" phug' cao" nug ko" ra" la,- manug ko" ra" la,- ga" rure ba nae" qhid' mae" naonhaung" Mao"So ASANG wa naonhaung" re jham" qu" nae" qhid' mae" din"pyad' yo khyo" su" lai: lo" ra" ce: gyaung: qhang khyo mae byid xe zin naonhaung" re khoru: jhui" lo: ra" khyo re myid: beim" na ge,.

Airumung: naonhaung" wa naonhaung" yao" qam: so' we' qam: o: khyo" yang naoyao: kad' yang: jo,nho" qo" ru ngad: ein: khonhae" re: magai: myid: yu ngad: ra".

Naonhaung" Mao"So ASANG re naonhaung" mato" myhid' pye' nae" qhid' mae" lha" ge,- ana" ba ngo naonhaung" re byid' ra" yao" tarha" jham re phug' cao" nae" dalhaui" pye' ge,.

Yao: pho" wa yao: zo: qere kyo: qid to" ru we' dakhyo: naonhaung" Mao"So ASANG wa naonhaung" re mho" jhao byid: mung: qobo dae byid' ra" khyo re myid: beim: ge,.

Naonhaung" zo: nug: ja: alhab' qo" li" genae". Amung: naonhaung" re yao" yang byid' to" ra" ai: myid xau gai: ra" mung"dan: mathao mae naonhaung" Mao"So ASANG re naonhaung" jeju beim: so" li" genae".

Airumung: naonhaung" re ASANG amyin" byid' to" ru we' dakhyo: kad' ge,- yao" tarha" jham re cao" yang: kao so' daui mung: phug' cao" ge,.

Din" pyad' yo mae naonhaung" phug' pho" qe khonhae" re: mazo" qu" ko" ra" zo: ve Manna yao: naonhaung" re byid: zho" ra". Lo" thao" mae yao: wa naonhaung" re gai: ra" ja: qo" shaman" byid: nae" qhid' mae" yao: wa naonhaung" re jham" qu" nae" qhid' mae" qug: khai: dayin dayo: boe" nhao: ra".

Naonhaung" gyi: sho' zo: nae" qo" mung:- yham gai kad' na mung:- Naonhaung" nung:- yao- qhang- ngaui we' naonhaung" jo,nho" dai kham qo" li" gelao"- Naonhaung" jeim doe; na: ra" Egutu mung" mae" naonhaung" re khyad' yu: ra" naonhaung" Mao"So ASANG re to" myhid' pye' mung:- ngad beim" ra" myid mabo: li" nae" qhid' mae" lha" ge,.

Naonhaung" Mao"So ASANG wa naonhaung" re myid xau gai: ra" mung" khyo jhui" vao lo: ra". Aimung" wa qid gyaung: zo: gyaung: zang- bug gaung- lao:khaung: jham mae qid thug' yug: ra" mung"- Jung: gaug- bale gaug- sabyi shi:- Pho' ham" shi:- Khaung: jid' shi:- Zhan:lun: shi: we' Byoyhid thug' ra" mung"- Aimung" mae naonhaung" khonhae" re: vae: mamoe; genae"- khonhae" re: mamyaung genae"- laug bam mae jo, to' bo mung:- bam khaung: mae" gyid: ne qo" dau" yu: li" genae".

Ana" ba ngo naonhaung" re byid' ra" tarha" jham alhab' re jhaug' zaug za: phug' cao" ge,- airulao" naonhaung" wa daui: na mung: myo" laug: li" li" genae". Naonhaung" phug' pho" qere ASANG: yang dao:so: byid' to" ra" mung"dan: re qo" sang: yu: li" genae".

Ai: byid xe zin: agyo: mae naonhaung" mai bau: jham re: majad- naonhaung" khyid jham re: maqae: ngad: ako".

Yao: wa naonhaung" re damung" dadin" lu mung: daug thin: ra" lhao maui we' gung gug' na mung: gyaug tho' ra" din"pyad' yo khyo" naonhaung" re jhui" lai: lo: ra". Ai: kyaug' ho: ru we' qid majo; ra" mung" mae yao: wa naonhaung" qhid' mae" laug zang mae" qid yug: thug' byid' ra".