Popular Bible Verses from रोमि 3

Share

याकोअता का आखाज पाप कोल्यु होय अने परमेश्वरोओ गौरवा रहित होय, पोन तियाआ अनुग्रह छुटकारु जो ख्रिस्त येशु माय होय नितीमुल्य धोर्मी ठेरव्यो जाय.

अर्थात परमेश्वरोओ ए धार्मिकता जे येशु ख्रिस्तापो कोअता तियाअ विश्वास कोनाराकोता होय काहाके का किबी भेदभाव नाहा

तियाहा परमेश्वराने तियाआ रक्ताआ कारनोवाही एक एहलो प्रायश्चित ठेरव्यो जो विश्वास कोलाकोता कार्यकारी होय काजे पाप पहीले कोल्यु गोये अने ज्यापो परमेश्वराने आपाआ सहनशीलतेच्या काहाके लक्ष आप्लु नाहा तियाआ विषयामे तो आपाआ धार्मिकता प्रगट कोअही. नहाते तियाअ वेले तियाआ धार्मिकता प्रगट होय का जीयेतीये ते खुद धोर्मी ठरेल अने जे येशुपो विश्वास कोए नीतिमान ठरविनारु रोहू.

काहाके का नियमशास्त्राआ कारनो कोईत कोडलो प्राणी तियाआ आगाडी धोर्मी ठराविलो नाहा, याकोअता का नियमशास्त्राआ त्यापोरत पापोओ ओळखत होय.

जेहलो लेखिलो होय “कोडूच धोर्मी नाहा, एक पोन नाहा” कोडू समझदार नाहा; कोडु परमेश्वरोओ होदनारू नाहा. आखे भटकिल्यो होय, आखे बिगर उपयोगी बोणीत गोये होय; कोडूच भलाई कोअनारू नाहा.

याकोअता आमाहा आव परिणामापो पुग्यु होय मांहु नियमशास्त्राआ कामोवांही जुदोज, विश्वासाद्वारे धोर्मी ओलखिणारा.

कदाचित नाहा नहाते परमेश्वर खोरो अने हर एक मांहु ठोग ठरेल, जेहलो लेखिलो होय, जीयेतीये तू आपाआ गोठीही धोर्मी ठोराव्योल्यो न्याय कोइलाआ टायमोमें तू विजयी पावेल.