Popular Bible Verses from युहन्ना 15

Share

आय द्राक्षाआ वेल होय, तुमु डाली होय जो मामेहे रोतलू अने आय तीयाम तो खुपुच फोल आपोहो काहाके मामेरोत अलग ओतगोयु किबी कोहू शकत नाहा.

तुमु मामेह बोणीत रो अने आय तुमामे रोही जेहलो डाली जर द्राक्ष वेलुमे नेशेय ताहा स्वतः ती फोले आपुहू शकत नाहा तेहलूज तुमुभी मामेहे रोही नाहा ताहा फोल आपुहू शकत नाहा.

जर तुमु मामेहे रोही अने माआ वचन तुमामे रोही ताहा जे जोवे ते मांगा अने ते तुमामे मिलीलो.

तुमु माहु निवडील्ये नाहा ताहा आय तुमु निवडील्ये होये आने ठेरव्यो का तुमु जात फोल घेऊन आव अने तुमाआ फोल टीकित रोंहु जोवे का तुमु माआ नावामेहे जे किबी माआ बाह्हाप रोत मागहू तो तुमामे आपे.

यांपोरोत वोडू प्रेम कोडाआ नाहा का कोडु आपाआ दोस्तांकोअता आपाआ जीव आपित आपी.

जी डाली मामेहे होय अने फोल आपित नाहा तीही तो वाडीत टाकोहो अने जी लागे फोल आपोहो तियाअ लोगिई तो साफ़ कोअत्लू.

माआ आज्ञा ए होय का जेहलो आय तुमापो प्रेम कोअयो होय तेहलूज तुमुभी एक दिहीरापो प्रेम को.

माआ बाहाआ गौरव तीयेज ओते का तुमु जाखो फोल घेऊन आवे; तोयोज तुमु माआ शिष्य ठराविलो.

आय खोरू द्राक्षाआ वेलु होय अने माआ बाह्हू किसान होय.

जर कोडु मामेहे रोही नाहा ताहा तो डाली होस टाकी आपलो आवत्लू अने उगात जात्लू अने मांहे तियाहा एखटो कोईत आगीम टाकीत जातेहे अने ते पेटाडीत जातेहे.

आय याआ गोठी तुमामे याकोअता कोयु होय का माआ आनंद तुमामे बोणीत रोही अने तुमाआ आनंद पुरो उवे.

जर तुमु माआ आज्ञाहा मानणारु ताहा माआ प्रेमाम बोणीत रोही; जेहलो आय आपाआ बाह्हाआ आज्ञाहा मान्ये होय अने तियाआ प्रेमाम बोणीत रोतलू.

आव गोठीइ आज्ञा आय तुमामे यकोअता आपोहो का तुमु एकादिहीरापो प्रेम कोईओलो.

जर तुमु जगोआ रोल्या ओते ताहा जग आपापो प्रेम कोल्यु ओते पण यामुळे का तुमु जगोआ नाहा पण आय तुमामे जगोमरोत निवडील्ये होय त्यापोत जग तुमाआ द्वेष कोअते.