Popular Bible Verses from 1 कुरिन्थि 3

Share

की तुमामे मालुम नाहा का तुमु परमेश्वरोओ मंदिर होय अने परमेश्वरोओ आत्माआ तुमामे रोतलू?

रीगडल्यो गुडू जो येशु ख्रिस्त तियाहा सोडीत कोडु दिहरू गुडू टाकुहू शकत नाहा.

यकोअता नाहा का लागाळणारू किबी होय अने नाहा सिंचणारा पण परमेश्वरोओ आखे किबी होय जो वोधावनारो होय.

काहाके आमू परमेश्वरोओ आरिज काम कोअतेहे होय; तुमु परमेश्वरोओ खेत अने परमेश्वरोओ बोनाडल्ये होय.

ताहा हर एक काम उघड उवे काहाके तो दीही कोअही यकोअता का तो अग्नि बरोबर प्रगट उवे अने ती आगी प्रत्येकाआ कामाकोता पारकलु का ते एहलो होय.

लागाळणारू अने सिंचन कोअनारे ओ बेन एकुच होय पण हर एक माहहू आपाहाज परिश्रमाने आपाआ मोजरी मेलविनारू.

कोडु स्वतःहा फसाविल्यो लेऊ नाहा जर तुमामेरोत कोडु आव संसार मेहे स्वतःहा ज्ञानी होमजुत्लू, ताहा तो मूर्खपणा ज्ञानी ओत जानारू.