Popular Bible Verses from iLuku 3

Abi iJọni ọ rọ batazi eni ẹgbọ ọ se, ọ li batazi iJesu. Abi iJesu ọ li sọ iromhi, idane o khueghie-a. Ayẹmhẹ-nọ-pfuasẹ ọ li abi anekhukhu rọte idane tiemhile shi ọli egbe. Uruli o rọte idane ngme, ọọ, “Omimhẹ u khi. Mhi i nono ingme oyẹ gba, irari khi u ma ri egbe ẹ mu mhẹ.”

Ama iJọni ọọ wẹ, “Amẹ mhi rọ batazi ẹ, ama ọgbọ ọọ bhale ni ọ toto dọsẹ mhẹ, ẹkuẹ ni ọ sọ shi owẹ, mhi aa fu tẹ ni mhia taghiẹ ọli-a. Ọ ya ri Ayẹmhẹ-nọ-pfuasẹ ali erali batazi ẹ.

A ke ngeli angeli imu-nyenẹ, a khi ke liẹ, ‘Aburaamu ọ khi ita anye.’ Irari khi abi o li mhi li gue ọli ẹ yẹ ẹ khi, Ẹshinẹgba ọ dobẹ ya rọte echẹ ena wolọ eniyẹ lasele na Aburaamu.

A she rue uze shi ekẹ ni a rọ ya rọte imhili ẹẹra te eni ẹẹra gbe, ọọra kpa ni ọa da mọ udumhi onete ne, eri a ya tọli gbe, a tosẹ ọlia.”

Abi a li kẹkẹ ọli shi ebe Azaya ọmekẹguele, ni ọ rẹ, “A ya suọ khi ọgbọ ọ la ifu ọdagbe ifufu ẹ tsẹsẹ. Ọọ liẹ, riẹlẹ odẹ shi ekẹ khẹ Ọnọmhuẹ, ‘Bẹ odẹ ni o sheshe na Ọnọmhuẹ’ A ka tsua ekẹ suli igbilimhi ekẹ nya, a gbọmọ ute ọgbọgbọ tiemhie ekẹ, e mele ugbẹrekẹ-a. A ka ri odẹ na gẹnẹ-gẹnẹ mele eni sheshe-a, ena fuọnyọ-fuọnyọ, a ku wẹ gbe lẹghẹ. Ọgbọkpa ọ ya mẹ Imiepfuese oyi Ẹshinẹgba.”