Popular Bible Verses from KUAN-KUANEN 11

Melumbarlah mere maka kam reh bayakna, sampatilah kalak maka kam pe isampati.

Lit kalak si melumbar mere, tapi tambah-tambah kebayakenna, lit kalak degil, tapi tambah-tambah kemusilenna.

Kalak megombang, minter nge pagi juru, madin jadi kalak si rukur meteruk.

Bangsa si la erpeminpin la banci lang bene me, reh teremna kalak si beluh mereken ukur, dame me negeri.

Ulih kebujuren e me kegeluhen, tapi kalak merawa menekenca.

Kalak perancuk-ancuk la banci muniken rusia, tapi kalak si banci iteki ngasup muniken ranan.

Runtung kalak si mehuli ukurna, tapi kalak si kejam ngerugiken bana kap.

Kalak si ernalem man erta, nartar bagi bulung-bulung metua, tapi kalak bujur terlak bagi tunas nguda.

Tupung kematen enggo ndeher, erta lanai lit ertina, tapi kebujuren mulahi kalak i bas kematen nari.

Kalak bujur itegu-tegu kebujuren, kalak perguak kernep erkiteken bualna.

Diberu si mejile tapi la beluh ertimbang i bas ukurna, bali kap ras cincin emas i bas uncim babi.

Nembeh ate TUHAN ngenehen kalak si make sukat-sukat si la bujur, tapi meriah akapNa adi ipake timbangen si bujur.