Popular Bible Verses from MATTHAI 6

Share

Ciahnak tahin Pathian Ukhnak le dikcanghnak si hmasa tu ilai thil dang hmuahhmuah ning pe bet tuh i.

Ciamanin thangha caah donhar in um mah ih; thangha in donharhnak amah phutua in nai tuh ve i. Ni ni khat ai a phur tawk harsahnak vumah a dang betcih tuh ilo i.

“Ciamanin ning rel ing: ning nunhnak caah ning kulhnak ti le rong le ning ruangpui caah hnikponte thu ruat le donhar in um mah ih. Thungai in tifangin, nunhnak tu rong tahin thupui sawn lo im? Hnikpon tahin taksa ruangpui thupui sawn lo im?

Ikhalselai ning tu saw ning ngen fangin ning innkhan songah lut tu ilai dawngkham ning kham hnuaah mithmuh lo ning Pa hnenah sawngen tu ih. Cen a thupniu ai ning bawnhnak a hmutu ning Pa in ning phatman ning pe tuh i.

Ciamanin hetih bangin sawngen tuh i si: “Vancung ai a umtu kin Pa, Na hming thianghlim upathnak um tuseh; Na Ukhnak hleng tu hram seh; Vancung ah na daihhnak a khim bangin laivum ahkhai khim tu ve seh.

Nisiar kin kulhnak rong kin pe tu.

Mi in kin vumah sualhnak bawn ai kin ngaithiam bangin Kinmah ai sualhnak khai kin ngaithiam tu ve law.

Sualsawmhnak kin tuarruai loin, hnawmhnak hmuah lakin kin hup tu law.’

“Ning vumah sualhnak a bawntute ngaithiam le i sikhaw vancung ai a umtu ning Pa in ning ngaithiam tuh ve i.

Van ai a zuang thai vaniute khiah sik tu ih: anite in hlaici cing lo i, rong khai khawm lo ai been songah khai khawl tlang lo i. Ikhalselai vancung ai a umtu ning Pa in cawm sio i. Vaniu tahin tampui ning songlawi sawn ilo im?

“Khar le nget ai a siatsuah thil le rukote in bal ai a ruthilhnak laivum ah ning sumsaw khawl mah ih. Khar le nget ai siatsuah thil lo le rukote ai a bal thil lohnak vancung ah ning sumsaw khawl tu sawn ih. Zaimantifangin ning sumsaw umhnak ah ning thinlung khai um tuh ve i.

“Aisu inkhai bawite pahnih ai sal cang thil lo i. Pakhat daih tuhai pakhat hua tuh i. Pakhat hnenah rinsantlak in um tuhai pakhat tu zohsuam tuh i. Pathian le tangka ruaih kawm thil tuh lo i si.

Tunnia ah nung ai thangha ah mai songah lon tuh hampa rin a mawiruaitu Pathian in ciamite tahin ning tu ning thuam tuh sawn lo im? Ning sanghnak tlawm ze hlaihlawr i!

Ikhalselai ning incen mi hlawhsam pawl ning bawn fangin ning kiahhan lam kut ai bawnhnak khiah ning kekeh lam kut inkhai ling thai loniu in bawn tu ih. Ciatihin a thupniu ai ning bawnhnak a hmutu ning Pa in phatman ning pe tuh i.

“Biahnak lam thil pha ning bawnhnak heh mi in kin hmu tuseh tiin mizapui hmaiah bawn tuh loin ralring tu ih. Ciatihin mizapui hmaiah bawn le i sikhaw vancung ai a umtu ning Pa hnenin phatman zaikhai ngah tuh lo i si.

“Rong ning ul fangin miphalaktla pawl bangin lungsia mithmai in um mah ih. Mihrekkhat in rong a ul khiah mi zongzong in i ling tuseh tiin a mithmai in larruai i. Fiang ngai in ning rel ing: amahte ngah tuhhnak phatman tu ngah tlang zo sek i. Ning tu rong ning ul fangin ning hmai hliam in ning sam khai phatak niu in kiat tu ih. Ciatihin aisu inkhai ning rong ulhnak khiah ning ling tuh lo ai mithmuh lo ning Pathian ian in ning ling tuh i. A thupniu ai ning bawnhnak a hmutu ning Pa in phatman ning pe tuh i.