Iidu nea sireekusa aba jeeda giirgweatka ea mabiiksiina Herode, ghwala nawa nuut ak gaweay ng'eang'da nyaawa.
Iing'ata nea niweay fugiga, ng'ula ghwahidu heeda Yosefu Malaykajeanda Ng'utamiida aba jeeda giirgweatka ak gwayeesha, “Ng'eada ak giyaadi baleanda ea ghaamwat, amng'awsiina Misri, ak goopiidi hoowa ea darukuneey, aba gideaba gagasa Herode gwanuus baleanda.”