Popular Bible Verses from Matye 7

Share

«Yaa nyɛ́ɛri, ye a ra taagi. Yaa caa, ye a ra nyaagi. Yaa kɔ̀rigi kólo, Kolocɔlɔɔ a gi múgu yele ma.

Níì cán syɔɔn o syɔɔn wi nyɛ́ɛri lè, wi i taagi. Wee wi caa lè, wi i nyaagi. Wee wi kɔ̀rigi kólo lè, Kolocɔlɔɔ a gi múgu wi ma.

«Syɔɔn o syɔɔn wi mii syɛ́ɛnri naa lúro lè, ní i gi kpéʔele àmɛɛ mii jo lè, wi a pye àmɛɛ sícilio nyɛ lè, wee wi wi kpáagi faan lè fálaga njoʔo ni.

Koro na yariga o yariga yele caa syɛ́ɛnbèle í da kpéʔele yele ma lè, ki n wɔ́ɔ̀ yɛlɛ yaa gee bee wonijanga kpéʔele be ma. Níì cán koro gi nyɛ Mowizi làlwaw, ní kanyaajoobèle syɛ́ɛnrɛ kɔ́rɔ.

Kàjáa tɛɛ̀jeegee nyɔ́ɔ gi cɛ́rɛ lè, a gi kólogi wɔ́ɔ̀ cɛ́rɛ, gee bee gi syée sìíw ma. Ki nyaafɔbèle si ga nɛʔɛ í.

«Ki n yɛlɛ ye jée tɛɛ̀jeepili ni. Níì cán tɛɛ̀jeegee nyɔ́ɔ gi kpɔ́ʔɔ lè, a gi kólogi wɔ́ɔ̀ kpɔ́ʔɔ, gee bee gi syée kálagili ma, a gi jéefɔbèle nɛʔɛ.

Koro na àmɛɛ yele pee lè ní sèʔê gi cán ki n yɛlɛ yele í da yacanri kaangi yele pìíbèle ma, yele Tóow wi lè nyɛ̀ʔɛni na, wi a ra yacanri kaangi wi nyɛ́ɛrifɔbèle ma bi sɔ̀lɔ yele kaanganmi na ì?

«Ki ga yɛlɛ yele í da kútiiw kúunri yeyɛɛ na í, jàngó Kolocɔlɔɔ a wɔ́ɔ kɔ́ kútiiw kúun yele na í. Níì cán kánmee na yele kútiiw kúunri bele na lè, kánmi bee na wi a wɔ́ɔ kútiiw kúun yele na. Yalegee ni yele yáriri kíri ni kaangi syɛ́ɛnbèle ma lè, gee bee félege ni Kolocɔlɔɔ a wɔ́ɔ yele wóri kíri bi kaan yele ma.

Syɔɔn o syɔɔn wi mii syɛ́ɛnri naa lúro lè, wi si o gi kpéʔele àmɛɛ mii jo lè í, wi a pye àmɛɛ nilabalaɔ nyɛ lè, wee wi wi kpáagi faan lè táminyɔɔ ǹjoʔo ni.

Nyàʔá na mɔ kànyaʔabili wéle mɔ senyɛnw nyápile ni, mɔ si o kàganagbɔɔgi córo, gee gi nyɛ mɔ wóli ni lè í? Ba mɛ̀ɛ́ mɔ a mɔ senyɛnw pye: ‹Tíi mii í kànyaʔabili cò bi yirige mɔ nyapili ni,› bi gi taa kàganagbɔɔgi i nyɛ mɔ wóli ni?

«Ki n yɛlɛ yaa yeyɛɛ kɔ̀rɔsíi kanyaajoo-fáanabèle na, bele be bàsaliyi nii lè ni maa yele ma, bi gi taa be fúnyi i nyɛ àmɛɛ solomikaara fúnyo nyɛ lè, dee kateegi sámaga n jáa lè. Yele a be cán pe kapyegèle báriga ni. A syɔɔn i ɛrɛzɛn yasanra coo lé wúuro tíige ni? Ba pe i děsyanʔa coo lé solovinge tíige ni?

Kánmi bee na tiicanga o tiicanga i yasanjanra sangi. Tiipeʔe o tiipeʔe si wɔ́ɔ i yasanbeere sangi.

Tiicanga a gbǎn ra yasanbeere sangi í. Tiipeʔe si a wɔ́ɔ gbǎn ra yasanjanra sangi í.

Tiige o tiige gi lè ki o yasanjanra sangi í, pe a gi kpúmɔn wáa náagi ni.