Popular Bible Verses from Matye 5

Share

Syɔɔn o wɔ́ɔ̄ fètinnɛ nii ni téeri sɛ̀ʔɛlɛ láara ni í, fwɔɔ fètindaʔala na, li n ni gbɛ̀ɛ́nmi yirigi kpáagi syɛ̀ɛnnɛ myɛ ma. Kánmi bee na gi yɛlɛ yele í yele gbɛ̀ɛ́nmi yaʔa paa nyín paa yirigi syɛ́ɛnbèle ma, jàngó paa yele kapyejǎngèle nyaagi, sáā yele Tóow kpɔ̀ʔɔrɔ́, wi lè nyɛ̀ʔɛni na.

Yele i nyɛ dulunyanw gbɛ̀ɛnmɛ. Kěgee gi nyɛ lè nyanbelege ǹjoʔo ni, ki a gbǎn làra í.

Bele fúnyo yi fílige lè, bele bee i nyɛ dùba pìibēle, níì cán pe a ba Kolocɔlɔɔ nyaa!

Bele na sínni láa nyɛ lè àmɛɛ kateʔe ní lògbaʔa nyɛ lè, bele bee i nyɛ dùba pìibēle, níì cán pe a kɔ́ ba tín!

Mii si a gi joo yele ma si yele pye, ye yele nigoobèle kéele yaʔa li yele dɛ́nɛ, yáā nyɛ́ɛri yele wɔʔɔfɔbèle kéele na.

«Bele be peyɛɛ jóro lè foomɔfɔɔlɔ be pìígèle ni, bele bee i nyɛ dùba pìibēle, níì cán nyɛ̀ʔɛni fànʔa i nyɛ pe woʔò!

Bele be bɛ̀ɛ́li légi syɛ́ɛnbèle nínge ni lè, bele bee i nyɛ dùba pìibēle, níì cán Kolocɔlɔɔ a ra be yiri woro jàala!

Bele be nyɛ lè funnyɛniyi fɔ̀ɔlɔ, bele bee i nyɛ dùba pìibēle, níì cán Kolocɔlɔɔ a kɔ́ be kpɛʔɛlɛ!

Bele be wɔʔɔ sínni kéele na lè, bele bee i nyɛ dùba pìibēle, níì cán nyɛ̀ʔɛni fànʔa i nyɛ pe woʔò!

Bele be nyinimɛ taagi lè syɛ́ɛnbèle na, bele bee i nyɛ dùba pìibēle, níì cán Kolocɔlɔɔ a wɔ́ɔ ba nyinimɛ taa be na!

Lǎli ni pe ga ni yele teeri lè ní i yele wɔʔɔ, ní i jànvaaw syɛɛnpeere féleye myɛ nyuu ni wáa yele na mii kéeli na lè, lǎli bee ni yele i nyɛ dùba pìibēle. Ki n yɛlɛ yaa fundaanra kpéʔele yáā muguri, ncan tɔ̀nɔkpɔɔɔ i nyɛ yele ma nyɛ̀ʔɛni na, níì cán ànbée pe da ni kanyaajoobèle wɔʔɔ naa yele yɛ́ʔɛ ma.

Bele be màámi kpéʔele lè, bele bee i nyɛ dùba pìibēle, níì cán pe a ba pye tári kɔriliibéle!

«Yele i nyɛ dulunyanw sólomɔ, kàjáa sólomi tàanma ga kwɔ́ɔ, nyàʔá ní syɔɔn a ní bi sámaga bi tɛ́nɛ? Pi a ní yafyɛn nyɔɔ í, fwɔɔ pe bi wáa kàfugi na syɛ́ɛnbèle í da tánʔana.

Koro na ki n yɛlɛ yele í sín àmɛɛ yele Tóow sín lè, wi lè nyɛ̀ʔɛni na.

Keelaa ga pye ɛɛn kéele, ye gi pye ɛɛn kàliga fun. Làa si ga pye ěʔe wólo, ye gi pye ěʔe. Tàa ga níì taʔa dee bee na, toro n yìri Wobeew ma.

«Yele n gi lóʔo àmɛɛ ki da joo lè níì jo: ‹Nyapilaa n yɛlɛ li pye làa sìndɛʔɛ ni. Gǎnnaa si wɔ́ɔ pye làa sìndɛʔɛ ni.› Mii si a gi joo yele ma si yele pye, yele wàa a kɔ́ pwɔɔ kapeebyeo na si tún ní wi ní í. Kàjáa wàa ga mɔ kpúmɔn kàliige bɛɛngi na, mi kàmɔnɔ wógi fíige wi ma wɔ́ɔgēle.

Koro na mɔ kaliige nyapili ga ni mɔ légi kapeele ni, ki n yɛlɛ mi li lòʔori mi wáa. Níì cán mɔ céri tɛ́ɛgaa nibin ga kálagi, gee bee a pɔ́rɔ mɔ ma sáni pe mɔ céri myɛ wáa bànvigi náagi ni lè. Ní mɔ kaliige kɔ́gi ga ni mɔ légi kapeele ni, ki ceri mi wáa. Níì cán mɔ céri tɛ́ɛgaa nibin ga kálagi, gee bee a pɔ́rɔ mɔ ma sáni mɔ céri myɛ í kɔ́ sa jée bànvigi náagi ni lè.