Popular Bible Verses from Roman 8

Bamna yawan kaikisa, diara sut Gâd mita mangki ba lika witin ra latwan kaiki nani ba hilpka pali sa, baha nani Gâd ai kupia lâka kat luki si paiwan ba.

Baha mita yang kasak lukisna, diara âpu sa Gâd latwanka ba wina wan dakbi sakaia. Prura mita, raya kaia ba mita, insal nani ba, karnika bri nani ba bara spirit lâka mapara karnika bri nani ba sapa, diara nani nanara ba, bara diara nani naika balaia ba, purara ba, tihu pali ra ba sin apia, bara diara wala sut Gâd daukan ba mita sin, sip apia sa. ¡Gâd ai latwanka lâka wan Dawan Kraist Jisas param wan marikan ba wina dakbi wan sakaia dukia kumi sin âpu sa!

Baha sim natka ra, Spirit mita wan swapnika nani ra hilp wan munisa. Kan nahki wan pura sunaia sa tânka ba yawan kaikras sa, sakuna baha sim Spiritka ba mita Gâd ra wan tâwan makabisa ai mamna lulki ba kira, yawan mita aisaia sip apia ba.

¿Dîa kau yang nani wiaia sna ki? Gâd ba yawan wal sa kaka, ¿ya wan mapara buaia sip kabia ki?

Baku bamna, nanara lika Kraist Jisas wal asla takan nani ba pât dingkaia ba âpu sa.

Wîna tara brinka ba trabil taki lukaia lâka ba mita pruaia ra wan brih auya; sakuna Spirit brinka ra trabil taki lukaia ba lika, raya kaia bara âuyapah lâka ra wan brih auya.

Sakuna baha sut tilara, yawan na kau pura lalura sa, witin mita latwan wan kaikan bamna.

Bamna yang lukisna, pât nani nanara wahwi na, sip apia pali sa baha prana yawan naika kaikaia ba wal prakaia.

¿Bamna ya mita sip sa ki Kraist latwanka lâka ba wina wan dakbi sakaia? ¿Baha daukaia sip kabia ki pât wahwan ba, ban kra trabil nani ba mita, apia kaka rausauhkan lâka ba mita, plun wahwaia ba mita, kwala âpu kaia ba mita, pât wan lamara ba mita, prura mita kra?

Bara Gâd, wan kupia tânka pliki kakaira ba, Spirit dîa aisi ba witin pain kaikisa; kan Spirit lika Gâd uplika nani ba dukiara makabisa, Gâd kupia lâka ba kat.

Baha nani sut Spirit mita tapahki brih auya ba lika Gâd luhpia nani sa.

Bamna wîna tara brinka kat baman iwi uplika nani ba, wîna tara brinka ba baman dukiara trabil taki lukisa; sakuna Spirit brinka kat iwi uplika nani ba, Spirit brinka dukiara trabil taki lukisa.

Gâd ai Luhpia pali ba sin wankaia apia wiras, sakuna yawan sut wan mata ban prura mihta ra mangkan; bamna, ¿nahki yawan na witin ai Luhpia wal asla diara sut ba wankras kabia ki?

Bara baha Spiritka ba sika yawan wan spiritka wal asla taki aisisa yawan na Gâd luhpia nani sa. Bamna yawan na Gâd luhpia nani sa kaka, witin mita wankaia win dukia nani ba yawan bribia. Baha dukia nani ba yawan bribia Kraist wal asla; bamna nanara yawan na Kraist wal asla pât nani wahwisa kaka, witin wal asla sin ai prana ba naika bribia.

Bamna upla lâka kat baman luki tauki nani ba lika Gâd wal waihla takisa, kan Gâd lâka ba brin daukras bara baha ra sip bawras sa.

Paskanka aiska Gâd daukan ba brin pali dauki ai kainara lukisa, Gâd luhpia nani ra param takaia nani ba kaikaia.

Baha mita yawan kaikisa, paskanka aiska, Gâd paskan ba sut naiwa kat ban latwan bri ai mamna lulkisa, sim tuktan aisubi sakaia latwanka ba baku.