Popular Bible Verses from 2 Tesalonicenses 2

Share

Imata niyäshuptikipis ama cäsuyaytsu. Jesucristo kutimunanpäqa puntata atskaq runakunam Tayta Diospa contran shäriyanqa. Tsaynöllam anticristo shamunqa. Paytam Tayta Dios infiernuman qaykunqa.

Peru wawqikuna y panikuna, qamkunataqa Tayta Diosmi kuyayäshurniki salvayäshunaykipä qallananpita akrayäshurquyki. Kananqa Jesucristupa willakuyninta chaskikur payman yärakuyaptiki y Diospa poderninchö kawayänaykipä Espíritu Santu yanapayäshuptikim salvayäshurquyki. Tsaypitam Tayta Diosta imaypis agradëcikuyä.

Anticristo shamur manam munanqatsu Tayta Diosta ni imatapis runakuna adorayänanta, sinöqa kikillantana adorayänantam munanqa. Tsaymi payta adorayänanpä Dios tukurnin Tayta Diospa templunman yaykuskir jamanqa.

Señornintsik Jesucristo y kuyamaqnintsik, imaypis animatsimaqnintsik y puntanman pushamaqnintsik Papänintsik Tayta Dios yanapaykuyälläshuy mana llakikuyänaykipä, pïmaytapis alli shimillaykipa parlapäyänaykipä y allikunata rurar kawayänaykipä.

Mana chaskiyanqanpitam Tayta Dios paykunata pantakätsinqa anticristuta chaskiyänanpä.

Jesucristo manarä kutimuptinmi Satanáspa poderninwan anticristo tukuy niraq milagrukunata ruranqa. Tsaynöpam infiernuman qaykushqa kayänanpä destinashqa kaqkunata engañanqa. Paykunaqa Jesucristupa willakuyninta mana chaskirmi salvakuyanqatsu.

Manarä shamuptinpis Satanásqa maynam runakunata mana tantiyaylla engañaykan Tayta Diosta mana cäsuyänanpä. Tsaparaykanqanta Tayta Dios jipiskiptinnam anticristo shamunqa.