Popular Bible Verses from O MATIUS 1

Share

O ngo Maria aha momägilianga deʼ amingohaka o ngohaka o nauru womatëngo. O ngohaka gënanga kokiani nihiromanga o Yesus, karana Unanga aha wahihalamati Ai umati yoböbaradohaka.”

”Momatëngo o moholehe maboro muna aha o ngohaka mohiao, deʼ momagilianga amingohaka o nauru womatëngo. O ngohaka gënanga aha iwihi romanga Imanuel.” (Imanuel ganga o Ibranioka manga demo mamangarati, ”Ma Jou Madutu naga dede ngone”.)

O Yusuf kawa tiba-tibangohi o hali gënanga, yohutuku una wonänere. Ai nänere magoronaka, una wamäke ma Jou aimalaekat womatëngo de iwitemo unangika, ”Yusuf, o Daud aidifauku, uha nohawana nokawingi de o ngo Maria; hababu o ngohaka amiröehoka gënanga idadi de ma Jou Madutu ai Womaha makuaha.

O Yesus Kristus womakil̄au majarita hokonënanga. Ngoi ayo o ngo Maria, imä mäne de o Yusuf. Mä o Yusuf de ngo Maria yokawingowahi inyataka o ngo Maria o ngohaka mohiaoka. (O Yusuf wohi orikua o ngo Maria o ngohaka mohiao karana ma Jou Madutu ai Womaha makuaha.) O Yusuf, amimamäne gënanga, o nyawa moi salalu wohi ngounu o agama mau-mau. Hoʼ una womau watöaka mangamamäne, mä kawapongono, hupaya o ngo Maria o mal̄eke mamäkeua yowöe-wöe manga himangoka.