Popular Bible Verses from Ore i mexü̃ ga Matéu ümatüxü̃ 8

Rü Ngechuchu nanangãxü̃, rü ñanagürü nüxü̃: —Pa Duü̃xü̃gü i Tama Aixcüma Yaxõgüxü̃x, ¿tü̱xcüü̃ pemuü̃e? —ñanagürü. Rü yexguma ga Ngechuchu rü ínarüda, rü buanecüna rü yuapena nachogü. Rü ínayachaxãchi ga buanecü, rü inayarüxo ga yuape, rü ínachaxanemare.

Natürü nüma ga capitáü̃ nanangãxü̃, rü ñanagürü: —Pa Corix, choma rü taxuwama chame nax chopatagu nax cuxücuxü̃ca̱x. Rü chanaxwa̱xe nax curü orewaxicatama nüxü̃ quixuxü̃, rü tá naxca̱x nitaane i chorü duü̃xü̃.

Rü yexguma yemaxü̃ naxĩnügu ga Ngechuchu rü naba̱i̱xãchiãxẽ. Rü ñanagürü nüxü̃ ga yema duü̃xü̃gü ga nawe rüxĩxü̃: —Aixcüma pemaxã nüxü̃ chixu rü taxuxü̃ma i Iraétanüxü̃gütanüwa nüxü̃ ichayangau i wüxi i duü̃xü̃ i ñaa yatürüxü̃ aixcüma yaxõxü̃.

Rü yexguma ga Ngechuchu rü yema capitáü̃xü̃ ñanagürü: —¡Cupataca̱x nataegu! Rü marü naxca̱x nitaane i curü duü̃xü̃, erü cuyaxõ nax naxca̱x yataanexü̃ —ñanagürü. Rü yexgumatama naxca̱x nitaane ga yema capitáü̃arü duü̃xü̃.

Rü nümagü ga norü ngúexü̃gü rü naba̱i̱xãchiãẽgü, rü nügümaxã ñanagürügü: —¿Ta̱xacü ẽ̱xna nixĩ i ñaa yatü rü woo ya buanecü rü yuape rü naga naxĩnüexü̃? —ñanagürügü.