Popular Bible Verses from Mat 7

Share

“Voyani, na nîmûkûvewa; cariani, na nîmûkwona; ringaringani mûrango, na nîmûkûvingûrîrwa.

Nîûndû mûndû wa wonthe ûvoyaga nîavecagwa, na ûrîa ûcaragia nîonaga; na ûrîa ûringaringaga mûrango nîavingûragîrwa.

“Kwoguo mûndû wa wonthe ûrîa wîgucaga ciugo ino ciakwa na agaciathîkîra ekariî ta mûndû mûûgî ûrîa watumire nyomba yake rûciararî.

“Kwoguo îkagani andû arîa engî ûrîa mûngîenda mamwîke, nîûndû ûguo nîguo kûthomithanîtue nî Watho wa Musa na arathi.

Nwatî mûromo wa gûtonya mwoyorî nî mûceke, na njîra îrîa yerekagîria andû kuo nî njeke na andû arîa mamîonaga nî anini.

“Tonyererani mûromorî ûrîa mûceke, nîûndû mûromo wa îcua nî mwariî, na njîra îrîa yerekagîria mûndû kuo wa nayo nî mbariî, na andû arîa mamîthiîcagîra nî eengî.

Ethîrwa mue mûnarî andû acûku, nîmûmenyaga kûva ciana cienyu indo irîa mbaro, na kinthî Îthe wenyu ûrîa wî îgûrû ndamenyaga mûno makîria kûvecana indo mbaro kûrî andû arîa mamûvoyaga!

“Mûtigatuîre andû arîa engî nîguo Ngai ndakamûtuîre. Nîûndû Ngai akaamûtuîra wata ûrîa mûtucagîra andû arîa engî, na kîthimi kîrîa mûthimagîra arîa engî nakîo nwa kîo mûkaathimîrwa nakîo.

“Nwatî mûndû ûrîa wîgucaga ciugo ino ciakwa na akarega gûciathîkîra ekariî ta mûndû mûritu, ûrîa watumire nyomba yake mûthangarî.

Nîndûî gîtûmaga wone kîvuti kîrîa kîrî rithorî rîa mûrwanyûkwe na ûkarega kwona gîting'û kîrîa kîrî rithorî rîaku? Na ûngîvota atîa kwîra mûrwanyûkwe ûmûrute kîvuti kîrîa kîrî rithorî rîake, rîrîa ûrî na gîting'û rithorî rîaku.

“Îîmenyagîrîreni arathi a maveeni arîa maûkaga kûrî mue mekariî ta ng'ondu, nwatî ndaarî yao mekariî ta ciathi ngoroku. Mue mûkaamamenyaga na ciîko ciao. Mîtî ya mîgua nwa îciare thavibu, kana mîtongu îgaciara macuca?

Mûtî mwaro ûciaraga maciaro maro, nwatî mûtî mûcûku ûciaraga maciaro macûku.

Mûtî mwaro ndûngîciara maciaro macûku, na mûtî mûcûku ndûngîciara maciaro maro.

Mûtî wa wonthe ûtaciaraga maciaro maro nîûtemagwa ûgaikua mwakirî.